Óskemende 20 jyl burynǵy qylmys ashyldy
ÓSKEMEN. KAZINFORM – Óskemen qalasynyń polıtseıleri osydan 20 jyl burynǵy adam óltirý faktisi boıynsha kúdiktini ustady.
ShQO polıtsııa departamenti baspasóz qyzmetiniń málimetine súıensek, 2004 jyldyń 22 qańtarynda Óskemendegi úılerdiń birinen zorlyq belgileri bar er adamnyń máıiti tabylǵan.
Atalǵan fakti boıynsha «Kisi óltirý» babymen qylmystyq is qozǵalǵan. Alaıda sol kezde qylmysker izin sýytyp úlgerip, oǵan qosa aıǵaqtardy joıý úshin úıdi órtep jibergen. Bul tergeý barysyn qıyndata tústi.
— Qansha jyl ótse de, polıtsııa qyzmetkerleri isti toqtatpady. Jedel ýákilder materıaldardy muqııat zerttep, jınalǵan derekterdi taldap, qylmystyń tolyq kórinisin ret-retimen qalpyna keltirdi. 2025 jyldyń aqpan aıynda qylmystyq is qaıta jalǵasyp, jedel tergeý toby keshendi izdestirý sharalaryn júrgizdi. Nátıjesinde kúdiktiniń izine tústi, - delingen aqparatta.
18 aqpanda sot sheshimimen kúdikti qamaýǵa alyndy. Qazirgi ýaqytta qylmystyń barlyq mán-jaıyn anyqtaýǵa baǵyttalǵan tergeý amaldary jalǵasyp jatyr.
Eske salsaq, buǵan deıin Semeıde 30 jastaǵy áıelden 18 mln teńgeniń esirtkisi tárkilengeni habarlanǵan.