Oraldyqtar Astananyń 20 jyldyǵyn toılady
Sharaǵa qatysqan oblys ákimi Altaı Kólginov budan jıyrma jyl buryn Elbasy Nursultan Nazarbaevtyń astanany Almatydan Aqmolaǵa kóshirý týraly tarıhı sheshim qabyldaǵanyn jetkizdi. Osynaý ýaqyt ishinde Astana adam tanymastaı bolyp ózgerdi. Qazirgi kezde Astana - álemdegi ádemi qalalardyń biri. Onyń bolashaǵy budan da jarqyn ekendigine kúmán joq. Sol kezde Aqmolada 250 myńdaı adam tursa, qazir ol tórt eseden astam ósti. Kóp adamnyń kúdiktengenine qaramastan, astanany kóshirgen Elbasynyń sheshimi onyń kóregendigin aıdaı álemge tanytty.
Astananyń jıyrma jyldyǵyna oraı shahardaǵy shyǵarmashylyq ujymdary óz ónerlerin ortaǵa saldy. Jastar «Astana - 20» ataýymen fleshmob kórsetse, «Áýen» balalar toby qazaq, orys, aǵylshyn tilderinde elorda týraly án shyrqady.
Ǵ.Qurmanǵalıev atyndaǵy oblystyq fılarmonııa rejısseri Aqmaral Serikqalıdyń aıtýynsha, Astananyń 20 jyldyǵyna arnalǵan sharalar budan keıin de jalǵasatyn bolady.
