Oralda jazasyn óteýshiler Abaı oqýlarynda baq synady

ORAL. QazAqparat – Táýelsizdik kúnine jáne uly aqynnyń 175 jyldyǵyna oraı Oralda RÝ-170/2 mekemesinde jazasyn óteýshiler arasynda Abaı oqýlary ótkizildi, dep habarlaıdy QazAqparat tilshisi.

BQO boıynsha qylmystyq-atqarý júıesi departamentiniń baspasóz qyzmeti málim etkenindeı, is-sharaǵa 8 jazasyn óteýshi qatysyp, baq synady.

Baıqaý Abaı murasyn oqyp-úırený, memlekettik tildiń mártebesin kóterý, qazaq mádenıeti men ádebıetin keńinen nasıhattaý maqsatynda uıymdastyryldy.

Aldymen Abaıdyń týyndylarynan kitap kórmesi usynylyp, uly aqynnyń ómiri men shyǵarmashylyǵy týraly beınerolık kórsetildi.

Mekeme bastyǵynyń tárbıe jumystary jónindegi orynbasary Bókenbaı Kákimovtiń aıtýynsha, baıqaý úsh kezeńnen turdy. Qatysýshylardyń ónerin arnaıy qazylar alqasynyń músheleri baǵalady. Olarǵa Abaıdyń týyndylary men ómirinen saýaldar qoıylyp, oryndaýshylyq sheberlikteri, janr ártúrliligi sarapqa salyndy.

Baıqaý júldegerleri eskertkish dıplomdarmen marapattaldy.