Oralda kúdikti stýdentti qorqytyp, aqsha aýdartqan
ORAL. KAZINFORM — Oral qalasynda polıtsııa qyzmetkerleri stýdentti tonady degen kúdikpen 21 jastaǵy jigitti qolǵa túsirdi.
BQO polıtsııa departamentiniń baspasóz qyzmetinen málim etkenindeı, kúdikti stýdentti qorqytyp, mobıldik qosymsha arqyly aqsha aýdartqan.
- Jedel izdestirý is-sharalary barysynda kúdikti anyqtalyp, ýaqytsha ustaý ızolıatoryna qamaldy. Atalǵan derek boıynsha qylmystyq is qozǵalyp, sotqa deıingi tergeý amaldary júrgizilýde. Kúdiktiniń budan buryn da basqa quqyq buzýshylyqtarmen jaýapqa tartylǵany belgili boldy, - dep habarlady vedomstvodan.
Eske sala keteıik, budan buryn Oralda bopsalaýmen aınalysqan kolledj stýdentteri ustalǵanyn jazǵan edik.
