Oralda dástúrli baspasózge jazylý kúni ótkizildi
ORAL. 8 qazan. QazAqparat /Eljan Eraly/ - «Qazposhta» AQ BQO fılıalynda dástúrli baspasózge jazylý kúni ótkizildi.
Fılıal dırektory Maǵal Bekmaǵambetovtiń atap ótkenindeı, baspasózge jazylý naýqany jyl saıyn uıymshyldyqpen ótip keledi. Qazirgi tańda gazet-jýrnaldar úshin basty maqsat - óz taralymdaryn kóbeıtý. Bul eń aldymen sol aqparat quraldarynyń ótimdiligine, mán-mazmunyna baılanysty. Sondaı-aq gazet-jýrnaldardy oqyrmandar qolyna ýaqtyly jetkizý de mańyzdy ról atqarady. Shara barysynda dóńgelek ústel otyrysynda osy máseleler talqyǵa tústi. Sondaı-aq fılıaldyń ortalyq ýchaskesinde jármeńke uıymdastyryldy. Onda kezkelgen eki basylymǵa birinshi jazylǵan adamǵa úshinshisine tegin jazylýǵa múmkindik berildi. Marka, konvert, merekelik otkrytkalar da satyldy.
Belsendi taratýshylarǵa baǵaly syılyqtar men alǵyshattar tabys etildi. Sonymen qatar qala oqýshylary arasynda «QR táýelsizdiginiń 20 jyldyǵyna oraı poshta markasy» atty sýret jáne «Dosqa hat» atty ádebı-tanymdyq baıqaýdyń qorytyndylary shyǵaryldy. Oǵan 178 oqýshy qatysyp, jeńimpazdar marapattaldy.
