Oralda 11 Aýǵanstan azamaty ustaldy

Oral qalasyna kirgen Aýǵanstannyń 11 azamaty kóshi–qon zańnamasyn buzǵany úshin ustaldy, dep habarlaıdy QR ІІM baspasóz qyzmeti. 

Aýǵanstan azamattarynyń qujattaryn tekserý barysynda ekeýiniń vızasynyń merzimi asyp ketkeni anyqtaldy. Olarǵa qatysty QR ÁQBtK-niń 517-babynyń 4-bóligi boıynsha ákimshilik hattama toltyryldy.

Sondaı-aq, eki Aýǵanstan azamaty buryn Qazaqstan Respýblıkasy aýmaǵynan kúshtep shyǵarylǵany belgili boldy. Olar Oral qalalyq PB qabyldap-taratý ornyna ornalastyryldy.

Qazirgi ýaqytta sheteldik azamattarǵa qatysty Batys Qazaqstan oblysynyń aýmaǵynda bolý sebepterin anyqtaý maqsatynda tekserý sharalary júrgizilýde.