Oral qalasynda dúken órtendi

ORAL. KAZINFORM – Oral qalasynda dúken otqa orandy. 

BQO TJ departamentiniń baspasóz qyzmetinen málim etkenindeı, oqıǵa «Juldyz» jáne Eski áýejaı aýdanynda Evrazııskaıa kóshesi 108-mekenjaıynda búgin boldy.

«Saǵat 10.05-te órttiń bolyp jatqany jóninde habar túsken. Aldyn ala málimet boıynsha dúken 500 sharshy metr aýmaqta janǵan. Tilsiz jaýdy aýyzdyqtaýǵa TJD jeke quramynan 57 adam, 26 tehnıka jumyldyryldy. Órt tolyǵymen sóndirildi», - dep habarlady vedomstvodan.

Eske sala keteıik, budan buryn Oralda turmystyq qaldyqtar polıgonynda órttiń áli byqsyp jatqanyn jazǵan bolatynbyz.