Oral qalalyq soty burynǵy tóraǵasynyń isi Tasqalada qaralady

ORAL. KAZINFORM — Oral qalalyq sotynyń burynǵy tóraǵasy Rýslan Jumaǵulovtyń isi Tasqala aýdandyq sotynda qaralyp, úkim shyǵarylady.

BQO sotynyń baspasóz qyzmetinen málim etkenindeı, sot talqysy 5 mamyr kúngi saǵat 10.30-ǵa belgilendi.

Sot talqysyn sýdıa Álııa Teberikova júrgizedi.

R.Jumaǵulovpen birge advokat Nurjigit Fazylǵalıevtiń isi qaralady. Olardyń ekeýi de úıqamaqta otyr.

R.Jumaǵulovqa alaıaqtyqqa oqtalǵany, N.Fazylǵalıevke alaıaqtyq pen para berýge tyrysqany úshin aıyp taǵylǵan.

Eske sala keteıik, budan buryn Oralda qalalyq sot tóraǵasy paramen ustalǵanyn jazǵan bolatynbyz.

Ulttyq qaýipsizdik komıteti Oral qalalyq soty tóraǵasynyń paramen ustalǵanyn rastady.