Ońtústik Koreıanyń burynǵy prezıdenti qaıtadan qamaýǵa alyndy

ASTANA.KAZINFORM — Sot ótken jyldyń jeltoqsan aıynda áskerı jaǵdaı engizý áreketi úshin Ońtústik Koreıanyń burynǵy prezıdenti ıÝn Sok Eldi qamaýǵa alý týraly order berdi, dep habarlaıdy Yonhap. 

Seýl ortalyq aýdandyq soty burynǵy prezıdent aıǵaqtardy joıyp jiberýi múmkin degen alańdaýshylyq bildirip, arnaıy prokýror Cho Yn Soktyń ótinishi boıynsha order shyǵardy.

Chonyń komandasy bes negizgi aıyp boıynsha, sonyń ishinde ıÝn Sok Eldiń 3 jeltoqsanda áskerı jaǵdaı jarııalanǵanǵa deıin ótken jınalysqa tek keıbirin ǵana shaqyryp, mınıstrler kabıneti músheleriniń quqyqtaryn buzdy degen aıyp boıynsha order surady. ıÝn men onyń advokattary tyńdaýǵa qatysyp, barlyq aıypty joqqa shyǵardy, sodan keıin burynǵy prezıdent tergeý ızolıatoryna jetkizildi.

Bul ıÝn Sok Eldiń ekinshi ret tutqynǵa alynýy. Birinshisi qańtarda, ol áli prezıdent bolǵan kezde boldy, biraq keıin sot qamaýǵa alýdy alyp tastaý týraly ótinishti qanaǵattandyryp, naýryzda ony bosatyp jiberdi.

Buǵan deıin habarlaǵanymyzdaı, Seýl polıtsııasy order boıynsha sheshim jarııalanǵanǵa deıin qalanyń ońtústik bóligindegi sot ǵımaratynyń aınalasyna 2 myńǵa jýyq ofıtser men 350-ge jýyq tehnıkany, sonyń ishinde qorǵanys bógetterin ornalastyrýdy josparlap otyr.

Aıta keteıik, arnaıy prokýror Cho Yn Sok ıÝn Sok Eldi tutqyndaýǵa order berý úshin taǵy da sotqa júgindi.

Eske salsaq Ońtústik Koreıanyń Konstıtýtsııalyq soty prezıdent ıÝn Sok Elǵa ımpıchment jarııalaýdy qoldaǵan edi.