Ońtústik Koreıa TikTok-qa qatysty tergeýdi bastamaqshy
ASTANA. KAZINFORM – TikTok áleýmettik jelisine qatysty jeke derekterdi qorǵaý týraly ulttyq zańnamany buzdy degen kúdikke ilinip, Ońtústik Koreıa retteýshisi oǵan qatysty aýdıt júrgizýdi josparlap otyr, dep habarlaıdy Yonhap aqparat agenttigi.
Derekkózderdiń habarlaýynsha, TikTok óz paıdalanýshylaryna Koreıa zańnamasyna sáıkes mundaı mazmundy alýǵa kelisim berýdiń ornyna avtomatty túrde jarnamalar alýdy talap etti dep aıyptalǵan.
Ońtústik Koreıanyń Baılanys komıssııa resmı ókiliniń habarlaýynsha, TikTok derekterdi qorǵaý týraly zańdardy buzdy degen kúdikke ilindi, jaqyn arada platformaǵa qatysty tergeý amaldaryn bastalady.
Qytaılyq ByteDance kompanııasyna tıesili TikTok platformasy sondaı-aq platformada tirkelý kezinde paıdalanýshylarǵa tolyq paıdalaný sharttary men qupııalylyq saıasatyn usynbaıdy dep aıyp taǵylyp otyr.
Ońtústik Koreıanyń qoldanystaǵy zańnamasyna sáıkes platformalar paıdalanýshylarǵa marketıngtik nemese jarnamalyq mazmundy alý-almaýyn sheshýge erkindik berýi jáne mundaı mazmundy jiberý úshin olardan aldyn ala «naqty» kelisimin alýy qajet.
Bul zańdy buzǵandarǵa 30 mln vonǵa (22 279 dollar) deıin aıyppul salynýy múmkin.
Buǵan deıin Telegram Ońtústik Koreıa elinen pornografııalyq materıaldardyń taralýyna tosqaýyl qoımaǵany úshin keshirim surady.
Aqparatty Kazinform agenttigi úshin Yonhap seriktes agenttigi arnaıy usynǵan.
