Oljas Bektenov Pavlodar oblysyndaǵy ónerkásipterdi aralady
ASTANA. KAZINFORM — Oljas Bektenov Pavlodar oblysynda Prezıdenttiń ónerkásipti damytý jónindegi tapsyrmalarynyń oryndalý barysymen tanysty. Bul týraly QR Úkimetiniń baspasóz qyzmeti málim etti.
Premer-mınıstr Oljas Bektenov Pavlodar oblysyna jumys sapary aıasynda «KAZ Minerals Bozshakol» JShS jáne «Qazaqstannyń vagon jasaý kompanııasy» JShS-ǵa baryp, kásiporyn ókilderimen kezdesti. Onda Memleket basshysynyń ónerkásipti damytý, otandyq taýar óndirýshilerdi qoldaý jáne tsıfrlyq sheshimderdi engizý jónindegi tapsyrmalarynyń iske asyrylý barysy men sharalary talqylandy.
Premer-mınıstr «Bozshakól» mys kenishi alańynda tehnologııalyq úderistermen tanysty. Zaýyt jylyna 30 mln tonna ken óńdeıdi. Ótken jyly 105 myń tonna mys óndirildi, sonymen qatar munda mys, altyn, kúmis jáne kontsentrattaǵy myrysh óndiriledi. Daıyn ónim Qytaı, Túrkııa, Ózbekstan men Belgııaǵa eksporttalady. Memleket basshysynyń bastamasymen qolǵa alynǵan Jumysshy mamandyqtary jyly aıasynda jas mamandar daıarlaýǵa erekshe kóńil bólinýde. Bıyl kásiporyn aqyly taǵylymdamadan ótý úshin 200-den astam stýdent tartýdy josparlaa otyr. Búginde kompanııada 14 myńnan astam jumys orny ashyldy.
Premer-mınıstrge óndiristik alańdarda zamanaýı tehnologııalardy engizý, onyń ishinde jasandy ıntellekt júıelerin damytý boıynsha júrgizilip jatqan jumystar týraly aqparat berildi. Tolyq dıspetcherleý kendi usaqtaýdan bastap kontsentrat shyǵarýǵa deıingi barlyq kezeńderdi qamtıdy. Sondaı-aq karerlerdi 3D modeldeý úshin óndiristik protsesterdi modeldeý júıeleri men drondar qoldanylady. Bul jumystyń dáldigi men tıimdiligin edáýir jaqsartady.
— Elimiz óńdeý salasyna kóshý kerek, joǵary óńdelgen taýarlar óndirýdi arttyrý qajet. Memleket basshysy osyndaı mindet qoıyp otyr. Salyq kodeksinde joǵary óńdelgen taýarlar óndiretinder salyqty az tóleıtin qosymsha jeńildikter qarastyrylǵan. Bunyń barlyǵy óńdeý salasyn yntalandyrý úshin jasalyp jatqan qadamdar. ıAǵnı, qarajat óz elimizde qalady degen sóz. Qazir kóptegen elder qazaqstandyq shıkizat óńdeýdi damytýda. Ol ózimizge kerek. Onyń ústine «Qazaqmys» jáne «KAZ Minerals» sııaqty iri kásiporyndardyń ınvestıtsııa salýǵa múmkindigi bar, — dep atap ótti Oljas Bektenov.
Premer-mınıstr Ekibastuzdaǵy «Qazaqstannyń vagon jasaý kompanııasy» JShS aýmaǵynda ámbebap jartylaı júk vagondaryn, jabyq vagondardy, vagon-platformalardy otandyq óndirýshiniń aǵymdaǵy óndiristik qýattarymen, sondaı-aq júk tasymaly kóleminiń jyl saıynǵy ósýin eskere otyryp, kórsetkishterdi odan ári arttyrý josparlarymen tanysty.
«SMP Group» JShS bas dırektory Erjan Qýanǵannyń aıtýynsha, kásiporyn qurylǵaly beri 9 myńnan astam jartylaı vagon, 26 platforma jáne 2 jabyq vagon shyǵarǵan. Óndiristik qýaty aıyna 100-den 240 vagonǵa deıin artty. Búginde 3 myń jartylaı vagon jetkizýge jasalǵan kelisimshart merziminen buryn oryndaldy. Shart mamyr aıynda aıaqtalady dep josparlanǵan. Kólik-logıstıkalyq keshendi damytý tujyrymdamasyn iske asyrý sheńberinde ózara is-qımyl máselelerine nazar aýdaryldy.
— Bizdiń elimiz tranzıt pen logıstıkada orasan zor ári tolyq ashylmaǵan áleýetke ıe. Temirjol júıesi vagondardy jańartýdy qajet etedi. Sondyqtan biz kásiporyndardyń óndiristi keńeıtý bastamalaryn qoldaımyz, — dep atap ótti Premer-mınıstr.
Buǵan qosa kólik, ulttyq ekonomıka mınıstrlikterine, «QTJ» men «Báıterek» holdıngine kásiporyndy qoldaý máselelerin pysyqtaýdy, onyń ishinde jartylaı vagondar men jabyq vagondardy jetkizýge uzaq merzimdi offteık-kelisimsharttaryn jasasý múmkindigin qarastyrýdy tapsyrdy.
Sonymen qatar, kásiporyn basshylyǵy jergilikti qamtý úlesin keeńeıtý qajet, búginde ol 57%-dy quraıdy.
— Eń bastysy — lokalızatsııalaýdy arttyrý. Іshki óndiristi odan ári yntalandyrý kerek», — dep atap ótti Oljas Bektenov.
Eske sala keteıik, buǵan deıin Bektenov keden qyzmetine quqyq qorǵaý organynyń fýnktsııalaryn berý qajet ekenin aıtqan bolatyn.