Oljas Bektenov mınıstrlikterge birqatar tapsyrma berdi

ASTANA. KAZINFORM – Premer-mınıstr Oljas Bektenov 10 aqpanda ótken Qazaqstan Úkimetiniń keńeıtilgen otyrysynda Memleket basshysy bergen tapsyrmalardy júzege asyrý máseleleri boıynsha keńes ótkizdi.

– Keshe Memleket basshysy jańa Konstıtýtsııa jobasynyń mán-mańyzyna toqtaldy. Ózgeristerdiń aýqymy men mańyzdylyǵy, talqylaý protsesiniń ashyq júrgizilýi el tarıhynda buryn-sońdy bolmaǵan. Prezıdentimiz atap ótkendeı, jańa Konstıtýtsııa jobasynda «adam memleket úshin emes, memleket adam úshin» qaǵıdaty aıqyndala túsken. Konstıtýtsııalyq reformanyń kózdegen maqsaty da osy – aýqymdy saıası jańǵyrýmen qatar, ekonomıkanyń sapaly ósý qarqynyn arttyra túsýge baǵyttalyp otyr. ıAǵnı, birinshi kezekte, halyqtyń tabysy men ál-aýqatyn arttyrýǵa basymdyq berilýge tıis. Bul – bizdiń aldymyzda turǵan asa mańyzdy mindet, - dep atap ótti Oljas Bektenov.

Keńeste Prezıdent tapsyrmalaryn júzege asyrý jónindegi sharalar týraly Premer-mınıstrdiń orynbasarlary, mınıstrler jáne «Samuryq-Qazyna» qorynyń basshylyǵy baıandama jasady.

Premer-mınıstrdiń orynbasary – Ulttyq ekonomıka mınıstri Serik Jumanǵarın halyqtyń ál-aýqatyn jaqsartý josparlary týraly baıandady. Jumystyń basym baǵyttary – tabystyń ósýi, ınflıatsııany tómendetý jáne naqty sektordy qoldaý. Ulttyq bankpen birlesip, ınflıatsııa deńgeıin 9-11%-ǵa deıin tómendetý jónindegi jospar ázirlenetini atap ótildi. 1 mamyrǵa deıin Halyq tabysyn arttyrýdyń 2026-2029 jyldarǵa arnalǵan baǵdarlamasy qabyldanady. Sondaı-aq bıznesti memlekettik qoldaý sharalaryn EGov Business platformasynda «bir tereze» qaǵıdaty boıynsha damytý jalǵasady.

Memlekettik basqarýdy tsıfrlyq transformatsııalaý jáne JI sheshimderin engizý máselesine nazar aýdaryldy. Premer-mınıstrdiń orynbasary – jasandy ıntellekt jáne tsıfrlyq damý mınıstri Jaslan Mádıev KEDEN jáne Qarjy mınıstrliginiń salyqtyq ákimshilendirý platformalary, sý tasqynyn boljaýǵa arnalǵan Tasqyn, avtojoldar salasyndaǵy eJoldar, tasymaldaý salasyndaǵy Smart Cargo jáne basqa da salalyq júıeler týraly baıandady. Áleýmettik ámııan jáne úı sharýashylyqtarynyń tsıfrlyq profılderi damytylýda, bul qoldaý sharalarynyń tıimdiligin qamtamasyz etedi. Memlekettik qyzmetterdi tsıfrlandyrý HQKO-ǵa kelýshiler sanyn 2,3 mln-ǵa deıin qysqartýǵa múmkindik berdi. Sondaı-aq Memlekettik organdardyń tıimdiligin arttyrý úshin memlekettik aqparattyq júıelerdi biryńǵaı QazTech platformasyna kóshirý, kıberqaýipsizdikti kúsheıtý, salalyq Data Lake júıeleri men JI agentterin qalyptastyrý josparlanǵan.

«Samuryq-Qazyna» qorynyń basqarma tóraǵasy Nurlan Jaqypov Qordyń ınvestıtsııalyq portfelin júzege asyrý barysy jáne 2026 jylǵa arnalǵan josparlar, onyń ishinde jańa jobalardy iske qosý týraly baıandady. 2026–2030 jyldar aralyǵynda $27 mlrd-tan astam tikeleı sheteldik ınvestıtsııa tartý mindeti jáne tsıfrlandyrý nátıjeleri,sonyń ishinde 5 jyl ishinde jıyntyq áseri $1,3 mlrd-ty quraıtyn JI jobalaryn engizý máseleleri jeke atap ótildi. Premer-mınıstr Qordyń qurylymyn odan ári transformatsııalaý máselelerin, onyń ishinde qajet bolǵan jaǵdaıda jekelegen kompanııalardy biriktirý arqyly qarastyrýdy tapsyrdy.

Qarjy mınıstri Mádı Takıev salyqtyq jáne kedendik ákimshilendirýdi tsıfrlandyrý, bıýdjet shyǵystarynyń ashyqtyǵyn arttyrý jónindegi tásilderdi engizý týraly baıandady. Birinshi jartyjyldyqta Taýarlardyń ulttyq katalogin iske qosý josparlanýda. Salyqtyq jáne kedendik ákimshilendirýdi tsıfrlyq formatqa kóshirý jedeldetilýde. Tıimsiz shyǵystardy qysqartý maqsatynda bıýdjettik baǵdarlamalarǵa revızııa júrgiziledi. Sondaı-aq bıýdjet qarajatynyń qadaǵalanýy úshin tsıfrlyq teńgeni qoldaný aıasy keńeıtilýde.

Energetıka mınıstri Erlan Aqkenjenov energetıkalyq qaýipsizdikti nyǵaıtý jáne salany damytý sharalary týraly baıandady. 2029 jylǵa deıin 13,3 GVt jańa qýat kózderin iske qosý josparlanýda. Sonymen qatar kómir generatsııasyn damytý jónindegi ulttyq joba daıyndalyp, qoǵamdyq talqylaýǵa shyǵaryldy, elimizdiń energetıkalyq negizin nyǵaıtý baǵytynda jumystar júrgizilýde. Munaı óńdeý jáne munaı-gaz hımııasy salasy boıynsha Prezıdent tapsyrmasyna sáıkes, jumys istep turǵan munaı óńdeý zaýyttarynyń qýatyn keńeıtý jobalary belgilenip, jańa MÓZ salý máselesine de nazar aýdaryldy. 2029 jylǵa deıin iri munaı-gaz hımııasy boıynsha birqatar jobany iske qosý josparlanyp otyr, «Munaı-gaz hımııasy ónerkásibi týraly» zań jobasy ázirlenýde.

Ónerkásip jáne qurylys mınıstri Ersaıyn Naǵaspaev otandyq óndiristi damytý, arnaıy ekonomıkalyq aımaqtardy jańǵyrtý jáne geologııalyq barlaýdy kúsheıtý jónindegi sharalar týraly baıandady. Otandyq taýar óndirýshilerdiń tiziliminde 5,6 myń kompanııa tirkelgen. AEA qyzmetin kezeń-kezeńmen transformatsııalaý josparlanýda. Búgingi tańda AEA-da óńdeý ónerkásibi boıynsha 4,4 trln teńgege 555 joba júzege asyryldy, 33 myńnan astam turaqty jumys orny ashyldy. Tereń óńdeý salasynda shıkizattyń syrtqa shyǵarylýyn retteý jáne joǵary qaıta bólingen ónim shyǵarýdy yntalandyrý boıynsha sharalar kózdelgen. Sondaı-aq Mańyzdy mıneraldar salasyn damytý strategııasy ázirlenýde. Geologııalyq barlaý salasynda aldaǵy úsh jyl ishinde qarjylandyrý kólemin ótken 30 jyldaǵy ınvestıtsııalar kólemimen teńestirý josparlanýda.

Aýyl sharýashylyǵy mınıstri Aıdarbek Saparov agroónerkásip keshenin damytý jónindegi sharalar týraly baıandady. Mal sharýashylyǵyn damytýdyń 2026-2030 jyldarǵa arnalǵan keshendi josparyn júzege asyrý jáne salany jeńildetilgen qarjylandyrýdy keńeıtý basty nazarda. Veterınarııalyq qaýipsizdikti kúsheıtý jáne qadaǵalaýdyń tsıfrlyq quraldaryn engizý boıynsha mindetter óz aldyna bólek belgilengen. Qaıta óńdeý jáne tamaq ónerkásibinde 2026 jyldan bastap ınvestıtsııalyq sýbsıdııalardyń ósýi men QQS-tyń tómendeýin, sondaı-aq shıkizatty qaıta óńdeý men tereń óńdeý boıynsha jańa jobalardy iske qosýdy qosa alǵanda, qosymsha yntalandyrýlar kózdelgen.

Oqý-aǵartý mınıstri Juldyz Súleımenova bilim berý salasyndaǵy memlekettik qarjylandyrýdy reformalaý tásilderin usyndy. Prezıdent tapsyrmalaryn oryndaý sheńberinde jekemenshik mektepterdi qarjylandyrý óńirlerdiń qajettiligin eskere otyryp, basym jobalarǵa shoǵyrlandyrylatyn bolady, sondaı-aq olardyń standarttarǵa sáıkestigin baqylaý kúsheıedi. Mektepke deıingi uıymdardy vaýcherlik qarjylandyrý nátıjeleri jáne ony keńeıtý josparlary jeke usynylǵan; 2025 jyldyń qorytyndysy boıynsha únemdeý 25,7 mlrd teńgeni qurady.

Azamattardy áleýmettik qoldaý máselesi boıynsha eńbek jáne halyqty áleýmettik qorǵaý mınıstri Asqarbek Ertaev sóz sóıledi. Qazirgi ýaqytta Biryńǵaı tsıfrlyq áleýmettik qorǵaý platformasyna súıene otyryp, áleýmettik salany tsıfrlandyrý jáne qoldaý sharalaryn proaktıvti formatqa kóshirý úshin derekterdi daıyndaý júrgizilýde. Sondaı-aq eńbek naryǵyn transformatsııalaý boıynsha mindetter belgilendi: MJÁ modeli boıynsha Ulttyq mamandyqtar transformatsııasy ortalyǵyn qurý sheńberinde suranysqa ıe kásipter úshin mamandardy qaıta daıarlaý jáne oqytý baǵdarlamalary, sondaı-aq oqýshylardyń kásiptik dıagnostıkasyn keńeıtý josparlanýda.

Densaýlyq saqtaý mınıstri Aqmaral Álnazarova Biryńǵaı memlekettik medıtsınalyq aqparattyq júıeniń qurylǵany týraly baıandady. Ol salanyń IT sheshimderin biriktirip, protsesterdi ashyq baqylaýdy qamtamasyz etýi kerek. Biryńǵaı memlekettik medıtsınalyq aqparattyq júıe jáne densaýlyq saqtaý portalyn iske qosý 2026 jyldyń 1 jeltoqsanyna josparlanǵan. Sondaı-aq ambýlatorııalyq dári-dármekpen qamtamasyz etýde «Áleýmettik ámııannyń» damýy atap ótildi. 2025 jyly ol arqyly 13,8 mln-nan astam retsept usynyldy, bul jalpy kólemniń 82%-yn quraıdy.

Kólik vıtse-mınıstri Maqsat Qalıaqparov salanyń tranzıttik áleýetin arttyrý jáne tsıfrlandyrý boıynsha júrgizilip jatqan jumystar týraly baıandady. 2026 jyly tranzıt kólemin 55 mln tonnaǵa deıin jetkizý josparlanýda (+65%). Birqatar iri ınfraqurylymdyq jobalar aıaqtalady. Reseı Federatsııasy jáne QHR-men shekaralyq ınfraqurylym boıynsha úılestirý jumystary júrgizilýde. QTJ jol kartasy jáne jańa tarıftik saıasat bekitildi. Avtojol salasynda Qyzylorda, Saryaǵash jáne Rýdnyı qalalarynyń úsh aınalma jolynyń qurylysy bastalady. 33 ótkizý pýnkti jańǵyrtylýda. JI-sheshimderdi engizý bóliginde Smart Cargo platformasyn memlekettik jáne salalyq servıstermen ıntegratsııalaý jalǵasady. 2027 jylǵa deıin Birtutas ıntellektýaldy kólik ekojúıesi qurylady.

***

Jıyn qorytyndysynda Premer-mınıstr Prezıdent aıqyndap bergen mindetterdiń barlyǵy halyq pen bızneske naqty paıda ákelýdi kózdeıtinin jáne olardyń is júzinde oryndalýy qajet ekenin atap ótti. Birqatar tapsyrma berildi.

Ekonomıkalyq blokta ınflıatsııany tómendetý jáne qadaǵalaý, bıznes shyǵyndaryn azaıtý, taýar naryqtaryndaǵy básekelestikti damytý, túrli salalarda tsıfrlyq teńgeni kóbeıtý boıynsha mindetter qoıylǵan. Tıimdi tetikterdi – turaqtandyrý qorlaryn, forvardtyq sharttardy, saýda sýbektilerimen baǵa turaqtylyǵyn qamtamasyz etý jónindegi kelisimderdi belsendi paıdalaný tapsyryldy. Salyq salasynda halyqpen jáne bıznespen ózara is-qımyldyń túsinikti jáne boljamdy júıesin qurýdyń mańyzdylyǵy atap ótildi. Tıimdi salyqtyq ákimshilendirý jáne erte eskertý mehanızmin engizý tapsyryldy. Sondaı-aq, mobıldi qosymshalar arqyly qoljetimdi bızneske arnalǵan biryńǵaı tsıfrlyq ekojúıe qurý, óndiris barysyna kedergi keltirmeı taýarlardyń tsıfrlyq tańbalanýyn keńeıtý qajet. Budan basqa, ShOB sýbektilerin jospardan tys tekserý tetigin qaıta qaraý, aktıvterdi basqarýdy ońtaılandyrý, Alataý qalasyn sapaly damytý boıynsha mindetter qoıyldy.

· Qarjy mınıstrligine ortalyq memlekettik organdarmen jáne ákimdiktermen birlesip osy jyldyń 1 mamyryna deıin bıýdjettik baǵdarlamalarǵa jan-jaqty tekserý júrgizý tapsyryldy.

· Qarjy mınıstrligi Ulttyq bankpen, sondaı-aq múddeli memlekettik organdarmen birlesip, osy jyldyń tamyz aıynyń sońyna deıin túrli salalarda tsıfrlyq teńgeni kóbeıtý jóninde sharalar qabyldaýy tıis.

· Qarjy mınıstrligi múddeli memlekettik organdarmen jáne Qazaqstan qarjygerleriniń qaýymdastyǵymen birlesip, jyl sońyna deıin zańnamaǵa marketpleıster, ınternet-agregatorlar men ekinshi deńgeıdegi bankterge salyq agentteriniń mártebesi men fýnktsııalaryn berý bóliginde ózgerister engizsin.

· Ulttyq ekonomıka mınıstrligi «Atameken» UKP-men birlesip osy jyldyń 1 maýsymyna deıin ShOB sýbektilerin jospardan tys tekserý tetigin qaıta qarasyn.

· Ónerkásip jáne Qarjy mınıstrlikteri «Atameken» palatasymen birlesip barlyq tirkeý rásimderin aıaqtap, osy jyldyń 1 naýryzynan bastap Qazaqstandyq taýar óndirýshilerdiń tizilimin iske qossyn.

Investıtsııalyq saıasat boıynsha 2030 jylǵa deıin negizgi kapıtalǵa ınvestıtsııalar boıynsha nysanaly ındıkatorlardy ázirleý jóninde tapsyrmalar berildi. Sondaı-aq basym jobalar pýlyn qalyptastyrý jáne bıýdjetten tys qarajat tartý boıynsha memlekettik organdar men ákimdikter úshin KPI bekitý qajet. SІM Kazakh Invest-pen birlesip, Kazakhstan Investment House arqyly iri ınvestorlarmen jumysty jáne ózara is-qımyldy, kelisimderdiń oryndalýyn jáne tsıfrlyq platformada ınvestıtsııadan keıingi qadaǵalaý sharalaryn kúsheıtedi.

· Ulttyq ekonomıka jáne Syrtqy ister mınıstrlikteri múddeli memlekettik organdarmen birlesip, bir aı merzimde 2030 jylǵa deıingi qarjylandyrý kózderi boıynsha negizgi kapıtalǵa ınvestıtsııalar tartý jóninde naqtylanǵan nysanaly ındıkatorlardy ázirleýi, jeke salymdar úlesin edáýir ulǵaıtýy kerek.

· Syrtqy ister mınıstrligi paıdalanýǵa berilgen jobalardyń ınvestıtsııadan keıingi monıtorıngi reglamentin ázirleýi qajet. Ulttyq tsıfrlyq ınvestıtsııalyq platformada tıisti modýldi engizýdi jedeldetý tapsyryldy.

· Tsıfrlandyrý boıynsha derekterdi basqarý ınfraqurylymyn qoldaný tásilderin ázirleý tapsyryldy. Odan bólek KazLLM-di praktıkada paıdalanýdy keńeıtý, Aitu messendjeriniń fýnktsıonalyn jaqsartý jáne tasqyn sý men órt qaýpi joǵary kezeńderdi boljaý jónindegi jumysty jandandyrý úshin Tasqyn jáne Talsim júıelerin ıntegratsııalaý boıynsha mindetter qoıyldy.

· Jasandy ıntellekt mınıstrligi Ulttyq bankpen birlesip, 1 qazanǵa deıin Tsıfrlandyrýdy qarjylandyrý qoryn tolyqqandy iske qosýdy qamtamasyz etýi qajet.

· Jasandy ıntellekt, Ulttyq ekonomıka, Qarjy mınıstrlikteri bir aı ishinde bıznes salasynda tsıfrlyq sheshimderdi belsendi engizýdi yntalandyrý jóninde sharalar ázirleýi kerek.

· Jasandy ıntellekt mınıstrligi múddeli memlekettik organdarmen birlesip, 10 kún merzimde aqparattyq júıelerdi «QazTech» platformasyna kóshirý josparyn bekitsin.

Naqty sektorda energetıka, óńdeý ónerkásibi, onyń ishinde munaı óńdeý jáne munaı-gaz hımııasy, kólik jáne AÓK-tegi negizgi ınfraqurylymdyq jobalardy ýaqtyly aıaqtaýǵa basa nazar aýdaryldy. Sondaı-aq, logıstıkany tsıfrlandyrý qarqynyn arttyrý, kólik ınfraqurylymyn jańǵyrtý boıynsha mindetter qoıyldy. Іshki naryqty otandyq ónimdermen toltyrý, veterınarııalyq qadaǵalaýdy kúsheıtý, kooperatsııany damytý jáne tsıfrlyq quraldar arqyly memlekettik qoldaýdyń ashyqtyǵyn arttyra túsý qajettiligi atap ótildi.

· Energetıka jáne Jasandy ıntellekt mınıstrlikteri osy jyldyń sońyna deıin Energetıka mınıstrligi janynan qurylǵan Ahýaldyq taldaý ortalyǵynyń bazasynda Qazaqstannyń biryńǵaı energojúıesiniń onlaın-monıtorıngin engizsin. 2027 jyldyń sońyna deıin, merzimderin ózgertpeı, Batys aımaqty Birtutas energetıkalyq júıemen biriktirip, Ońtústik aımaqty kúsheıtý kerek.

· 20 aqpanda Úkimetke Kómir generatsııasy jónindegi ulttyq jospardyń jobasy engizilsin. «Samuryq-Qazyna» qory Kókshetaý, Semeı jáne Óskemen qalalaryndaǵy JEO-ny, «Almaty stansalary» energetıkalyq jobalaryn belgilengen merzimde iske asyrýdy qamtamasyz etsin.

· Ónerkásip, Ulttyq ekonomıka mınıstrlikteri men «Báıterek» holdıngi eki aı merzimde polımerlik ónimdi odan ári qaıta bólýdi uıymdastyrý úshin otandyq bıznesti qoldaý tetikterin ázirlesin.

· Ónerkásip jáne Ulttyq ekonomıka mınıstrlikterine múddeli memlekettik organdarmen birlesip bir aı merzimde shıkizatty tereń óńdeýdi damytý jáne tereń óńdelgen ónim eksportyn ulǵaıtý úshin jańa ekonomıkalyq yntalandyrýlar jóninde usynystar engizý tapsyryldy.

· Ónerkásip, Ulttyq ekonomıka, Qarjy mınıstrlikteri men ákimdikter bir aı merzimde Úkimetke zańnamalyq túzetýler paketin qosa alǵanda, arnaıy ekonomıkalyq aımaqtardy transformatsııalaý jóninde kelisilgen usynystar engizsin.

· Kólik mınıstrligi QTJ-men birlesip jyl sońyna deıin «Moıynty – Qyzyljar», «Darbaza – Maqtaaral», temirjol jobalaryn iske qosýdy qamtamasyz etip, «Altynkól – Jetigen» jáne «Beıneý – Mańǵystaý» ýchaskelerin jańǵyrtýdy aıaqtaýy qajet. Kelesi jyldyń sońyna deıin – «Baqty – Aıagóz» ýchaskesi paıdalanýǵa berilsin. Osy jyldyń sońyna deıin temirjol jelisi operatorynyń júk vagondaryn berý protsesin tolyq tsıfrlandyrý qajet.

· Kólik mınıstrligi – «Qaraǵandy – Jezqazǵan», «Ortalyq – Batys», «Aqtóbe – Ulǵaısyn» avtojol jobalaryn júzege asyrý, Qyzylorda, Saryaǵash jáne Rýdnyı qalalarynda aınalma joldar salý rásimderin jedeldetsin. Bıyl «Qaraǵandy – Jezqazǵan» jobasy boıynsha qurylys jumystaryn bastasyn, kelesi jyldyń sońyna deıin shekaradaǵy 33 avtomobıl ótkizý pýnktin jańǵyrtýdy aıaqtaýdy qamtamasyz etsin.

· Kólik mınıstrligi – osy jyldyń sońyna deıin barlyq memlekettik tsıfrlyq júıelermen ıntegratsııalaýdy qamtamasyz ete otyryp, Smart Cargo tsıfrlyq platformasyn ónerkásiptik paıdalanýǵa engizsin.

· Aýyl sharýashylyǵy men Saýda jáne ıntegratsııa mınıstrlikteri bıznes-qoǵamdastyqpen birlesip bir aı merzimde qoldanystaǵy tásilderdi qaıta qarap, ishki naryqty otandyq azyq-túlik taýarlarymen qamtý jáne eksporttyq áleýetti nyǵaıtý jónindegi júıeli sharalardy ázirlesin. Óndiristen daıyn ónimdi satýǵa deıingi tıimdi ári ashyq tizbekti qursyn.

· Aýyl sharýashylyǵy mınıstrligi ákimdiktermen birlesip, jergilikti jerlerde jáne shekarada baqylaýdy kúsheıte otyryp, veterınarııalyq ınfraqurylymdy damytýdy qamtamasyz etsin. Osy jyldyń 15 sáýirine deıin Úkimetke veterınarııany damytýdyń keshendi josparynyń jobasy engizilsin.

· Aýyl sharýashylyǵy mınıstrligi múddeli memlekettik organdarmen jáne ákimdiktermen birlesip osy jyldyń 1 maýsymyna deıin Aýyl sharýashylyǵy kooperatsııasy týraly tıisti zań jobasyn ázirlesin jáne Úkimetke engizsin.

· Osy jyldyń 1 qyrkúıegine deıin memlekettik qoldaý júıesiniń ashyqtyǵy men tıimdiligin arttyrý úshin sýbsıdııa alýshylardyń tıisti talaptardy oryndaýyn qadaǵalaýǵa múmkindik beretin AÓK salasyndaǵy aqparattyq júıeniń tolyqqandy jumys isteýin qamtamasyz etsin.

Premer-mınıstr bilim berý men densaýlyq saqtaýdaǵy júıeli máselelerdi, onyń ishinde tsıfrlandyrý jáne shyǵystardyń ashyqtyǵyn arttyrý arqyly sheshý mindetterin qoıdy. Kadr daıarlaý, medıtsınalyq aqparattyq júıeni tsıfrlandyrý, úı sharýashylyqtarynyń tsıfrlyq profılderin qalyptastyrýǵa, sondaı-aq «Áleýmettik ámııan» júıesine áleýmettik kómektiń túrli nysandaryn biriktirýge erekshe nazar aýdaryldy.

· Oqý-aǵartý, Ǵylym jáne joǵary bilim mınıstrlikteri Qarjy mınıstrligimen jáne óńir ákimdikterimen birlesip, bir aı merzimde bilim berýdiń barlyq deńgeıinde bıýdjet qarajatyn paıdalanýdyń tıimdiligin arttyrý jóninde Úkimetke usynystar engizýi qajet.

· Eńbek jáne halyqty áleýmettik qorǵaý mınıstrligi Ǵylym jáne joǵary bilim, Oqý-aǵartý mınıstrlikterimen jáne «Atameken» palatasymen birlesip, 1 sáýirge qaraı Kásipterdi transformatsııalaýdyń ulttyq ortalyǵyn qurýy kerek.

· Densaýlyq saqtaý, Jasandy ıntellekt jáne Qarjy mınıstrlikteri bıylǵy 1 sáýirge deıin Medıtsınalyq derekterdiń biryńǵaı qoımasyn engizýdi aıaqtasyn. Biryńǵaı memlekettik medıtsınalyq aqparattyq júıesin ázirleý boıynsha tapsyrma berildi.

· Qarjy mınıstrligi Jasandy ıntellekt jáne tsıfrlyq damý, Densaýlyq saqtaý mınıstrlikterimen birlesip, jyl sońyna deıin Áleýmettik medıtsınalyq saqtandyrý qorynyń qyzmetin tsıfrlandyrýy qajet.

· Eńbek mınıstrligi osy jyldyń 1 naýryzyna deıin Otbasynyń tsıfrlyq kartasyn qoldana otyryp, úı sharýashylyqtary úshin tsıfrlyq áleýmettik profılder qalyptastyrý, sondaı-aq Biryńǵaı tsıfrlyq platforma arqyly áleýmettik qoldaý sharalaryn qamtamasyz etýi tıis.

· Jasandy ıntellekt mınıstrligi múddeli memlekettik organdarmen birlesip, jyl sońyna deıin áleýmettik qoldaýdyń túrli nysandaryn «Áleýmettik ámııan» júıesine ıntegratsııalanýyn qamtamasyz etsin.

– Kórip otyrǵanymyzdaı, aldymyzda turǵan maqsat-mindetterdiń aýqymy óte úlken. Memleket basshysy atap ótkendeı oılanyp-tolǵanýǵa ýaqyt joq. Batyl, tıimdi sheshim qabyldap, ony jedel júzege asyrý qajet. Taǵy da qaıtalap aıtamyn, halyqtyń tabysy men ál-aýqatyn arttyrý – atqarylatyn jumystyń naqty nátıjesi bolýǵa tıis. Memlekettik organdar men ákimdikter Prezıdent tapsyrmalarynyń sapaly ári ýaqtyly oryndalýyn qamtamasyz etýi kerek, - dep atap ótti Oljas Bektenov.

Úkimet, ortalyq jáne jergilikti atqarýshy organdar óz jaýapkershiligin tolyq sezinip jumys isteýi tıis. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.