Olımpıada-2026: Mıhaıl Shaıdorov alǵashqy jattyǵýyn jasady
MILAN.KAZINFORM – Qazaqstandyq mánerlep syrǵanaýshy Mıhaıl Shaıdorov Olımpıada oıyndary aldyndaǵy alǵashqy jattyǵýyn jasady.
Mılan muz arenasynda ótken jattyǵýǵa sportshylar muzdy sezinip, jarysqa beıimdelý úshin qatysady.
Aıta keteıik, Mılan-Kortına qysqy Olımpıadasynyń erler arasyndaǵy mánerlep syrǵanaý dodasynda 24 elden 29 sportshy baq synaıdy.
Mıhaıl Shaıdorov 10 aqpan kúni jarys jolyna shyǵyp, qysqa baǵdarlamada óner kórsetedi.
Mılan muz aıdyny Olımpıada oıyndarynyń short-trek jáne mánerlep syrǵanaý jarystaryn ótkizedi. 12 myńǵa jýyq kórermen syıatyn bul arena – Eýropanyń jetekshi sport nysandarynyń biri.
Eske salsaq, skıatlon baǵdarlamasynda (10 km+10 km) Ulttyq quramanyń eki sportshysy – Ámirǵalı Muratbekov pen Naıl Bashmakov baq synady. Jarys qorytyndysynda Ámirǵalı 45-shi, Naıl 49-oryn aldy.