OQO-da jastardyń «Kórshiler» forýmy ótti
ShYMKENT. QazAqparat - Ońtústik Qazaqstan oblysynda qazaq-ózbek jastarynyń basyn qosqan «Kórshiler» - jas kóshbasshylar» forýmy ótti. «Máńgilik eldiń» jastaryna ulaǵatty jol silteıtin jobaǵa Almaty, Qaraǵandy, Qyzylorda, Jambyl jáne kórshi Tashkent qalasynyń jastary da qatysty, dep habarlaıdy QazAqparat HAA tilshisi.
Jastar arasyndaǵy ózekti máselelerdi sheshý jáne ony boldyrmaý maqsatynda uıymdastyrylǵan shara úsh kúnge sozyldy. Tabıǵat aıasynda bas qosqan qyz-jigitter túrli semınar-trenıngterge qatysty. Bilikti moderatorlardyń áńgimesin tyńdady. Kórshi Ózbekstannan kelgen jastarmen pikir alysyp, tájirıbe almasty. Qoǵamdaǵy ózekti máselelerdi birigip sheshýge, jat qylyqtarmen birlesip kúresýge ýaǵdalasty. «Basymyz birikse, baǵynbaıtyn shyń, alynbaıtyn qamal joq» degen belsendi jastar nashaqorlyq pen sybaılas jemqorlyqqa qarsy kúres jaıyn da sóz etti. Basqosýda úshtuǵyrly til saıasaty nazardan tys qalmady.
