Nıý-Iorkte atys bolyp, 3 adam mert boldy
ASTANA. KAZINFORM – AQSh-tyń Nıý-Iork qalasynyń Brýklın aýdanyndaǵy túngi klýbta atys boldy, dep habarlaıdy AZERTADJ aqparat agenttigi.
Agenttiktiń habarlaýynsha, Nıý-Iork polıtsııa basqarmasy taratqan aqparatqa sáıkes, oqıǵa saldarynan 3 adam mert bolyp, taǵy 8 adam jaraqat aldy.
Polıtsııa birneshe adamnyń oq atqanyn, biraq áli eshkim jaýapqa tartylmaǵanyn habarlady.
Oqıǵanyń egjeı-tegjeıi anyqtalyp jatyr.
Eske sala keteıik, buǵan deıin Nıý-Iork qalasynyń Manhetten ortalyǵyndaǵy záýlim ǵımaratta belgisiz adam avtomat qarýynan oq jaýdyrǵanyn jazǵan edik.
CBS News telearnasynyń málimetinshe, atys kezinde bir polıtseı men onyń áriptesi qaza tapqan, al eki beıbit turǵyn aýyr jaralanǵan. Al CNN jáne Fox News telearnalarynyń habarlaýynsha, keminde bes adam kóz jumǵan, olardyń arasynda shabýyldaýshynyń ózi de bar bolatyn.