Nursultan Nazarbaev Qazaqstan halqyna ant beredi
Ant qabyldaý saltanatty rásimine Parlament depýtattary, Konstıtýtsııalyq Keńestiń músheleri, Joǵarǵy sottyń sýdıalary, Úkimet músheleri qatysady. QR Prezıdenti Konstıtýtsııaǵa ant beredi. Ant qabyldaýdan keıin Qazaqstan Respýblıkasynyń memlekettik ánurany oryndalyp, OSK tóraǵasy Prezıdentke kýálik tabys etedi.
Eske sala keteıik, Qazaqstanda kezekten tys prezıdenttik saılaý 2015 jylǵy 26 sáýirde ótti.
Saılaýǵa úsh kandıdat, QR-nyń Іs basyndaǵy Prezıdenti, «Nur Otan» partııasynan kandıdat Nursultan Nazarbaev, Kommýnıstik halyqtyq partııa OK hatshysy Turǵyn Syzdyqov, ózin-ózi usynǵan QR kásipodaqtary federatsııasynyń tóraǵasy Ábilǵazy Qusaıynov qatysty.
28 sáýirde Qazaqstan Respýblıkasy Ortalyq saılaý komıssııasynyń otyrysy boldy, onda 2015 jylǵy 26 sáýirde ótken Qazaqstan Respýblıkasy Prezıdentiniń kezekten tys saılaýynyń qorytyndylary jarııalandy.
Nursultan Nazarbaev úshin 8 mln. 833 myń 250 adam, nemese 97,75 paıyzy daýys berdi.
Tirkelgen 9 mln. 547 myń 864 saılaýshynyń 9 mln. 090 myń 920-sy nemese 95,21 paıyzy daýys berýge qatysty. Ábilǵazy Qusaıynovqa 57 718 saılaýshy, nemese 0,64 paıyzy, Nursultan Nazarbaevqa 8 mln. 833 myń 250 adam, nemese 97,75 paıyzy, Turǵyn Syzdyqovqa - 145 myń 756 saılaýshy, nemese 1,61 paıyzy daýys berdi.
Qazaqstannyń Ortalyq saılaý komıssııasy Nursultan Nazarbaevtyń QR Prezıdenti qyzmetine resmı kirisýi rásimin 29 sáýirge ótkizýge qaýly qabyldady.
"QR Ortalyq saılaý komıssııasy QR Konstıtýtsııasynyń 3-babynyń 2-tarmaǵyna sáıkes 2015 jylǵy 26 sáýirde kezekten tys saılaýda saılanǵan Qazaqstan Respýblıkasynyń Prezıdentin tirkeý týraly qaýly aldy, sondaı-aq 2015 jylǵy 29 sáýirdi QR Prezıdenti Nursultan Ábishuly Nazarbaevtyń ant berý kúni dep belgiledi", - dep habarlady QR OSK hatshysy Baqyt Meldeshev.
