Nursultan Nazarbaev: Ár qazaq- meniń jalǵyzym
"Men úshin shette júrgen baýyrlarǵa janashyr bolý, ár qazaqstandyqqa qamqorlyq jasaýmen birdeı mańyzdy. "Ár qazaq - meniń jalǵyzym" degen óleń jolyn quryltaı minbesinen álemdegi árbir qazaqqa joldaımyn. Sizderge aıtarym, aýyldaryńyzǵa qaıtqannan keıin alystaǵy aǵaıynǵa meniń duǵaı sálemimdi jetkizińizder. Qazaq balasy qaı elde tursa da, olar Uly dalada Máńgilik el quryp jatqan baıtaq Qazaqstannyń ajyramas bólshegi bolyp tabylady. Júreginiń túbinde osynysy ustasyn", - dedi Elbasy.
QR Prezıdenti quryltaıǵa shetten kelgen qandastarymyzǵa mundaı jıyn kúnde ótip jatpaǵandyǵyn, sondyqtan elordany, EKSPO-2017 kórmesin tamashalap qaıtýǵa keńes berdi.
"Búgin barsha qazaqtyń basyn biriktirer salmaqty oılar aıtylyp, izgi ister bastaý alaryna senimdimin. Sizderdiń de oılaryńyzdy tyńdaǵym keledi. Eki kúnnen soń barsha musylmandar úshin qasıetti aıt merekesi bastalady. Biz umytylyp, óship ketken ata dinimizdi qaıtaryp, Qazaqstanda 2500-den astam meshit ashylyp, elimizdi ımandylyqqa shaqyryp otyrǵan halyqpyz", - degen memleket basshysy barsha qazaqstandyqty aldaǵy aıt merekesimen quttyqtady.
