Nurlan Ábdirov Soltústik Qazaqstan oblysyna bardy
Atap aıtqanda, ol Soltústik Qazaqstan oblysynyń Petropavl, Mamlıýtka qalalary jáne Mamlıýtka aýdany Voskresenovka aýylyndaǵy saılaý ýchaskelerinde boldy. Sapar barysynda Ortsaılaýkom basshysy aýmaqtyq jáne ýchaskelik saılaý komıssııalarynyń múshelerimen, sondaı-aq jergilikti atqarýshy organdardyń ókilderimen kezdesýler ótkizdi. Kezdesýlerge barlyǵy 240 adam qatysty.
Nurlan Ábdirovtyń tóraǵalyǵymen ótken keńeste ýákiletti memlekettik organdar men oblystyq aýmaqtyq saılaý komıssııasy óńirde saılaýshylar tizimderi boıynsha júrgizilip jatqan jumystar, saılaýdy uıymdastyrýshylyq, materıaldyq-tehnıkalyq qamtamasyz etý, múgedektigi bar azamattar úshin saılaý ýchaskeleriniń fızıkalyq qoljetimdiligi úshin qajetti jaǵdaılar jasaý, saılaý bıýlletenderin kúzetý jáne ýaqtyly jetkizý jáne t. b. týraly baıandady.
Máselen, BQO ASK tóraǵasy Asqar Saqypkereev saılaý naýqanyna oblystyń 655 saılaý komıssııasy qatysqanyn, saılaý ýchaskeleriniń jalpy sany – 428 ekenin habarlady.
Qazirgi ýaqytta aýmaqtyq saılaý komıssııalary Qazaqstan Respýblıkasynyń Prezıdenttigine kandıdattardyń senim bildirilgen adamdaryn tirkeý boıynsha jumys júrgizýde. Saılaý komıssııalaryn kaskadty ádispen, ıaǵnı joǵary turǵan saılaý komıssııasynan – tómen turǵan komıssııalarǵa oqytý uıymdastyryldy. Saılaý naýqany bastalǵannan beri oblysta saılaý komıssııalarynyń múshelerimen 36 semınar-keńes ótkizildi, olarǵa komıssııalardyń 3 356 múshesi qatysty.
Saılaýshylar tizimderi a.j. 30 qazanynda saılaý komıssııalaryna berildi, al 4 qarashadan bastap saılaýshylarǵa tanysý úshin usynyldy. Tizimge barlyǵy 385 672 saılaýshy engizilgen.
QR Prezıdentiniń saılaýy týraly halyqty aqparattandyrý maqsatynda oblys boıynsha 106 aqparattyq-jumyldyrý bannerleri ornalastyryldy, azamattardy daýys berý kúni, ýaqyty jáne orny týraly habardar etý jóninde qajetti sharalar qabyldandy.
Saılaý kúni oblystyń 147 saılaý ýchaskesinde azamattardy tirkeýdi tekserý boıynsha servıs jumys isteıtin bolady, al Petropavl qalasynyń bes ýchaskesinde mobıldi HQKO jumysy uıymdastyrylady.
Oblys ákiminiń birinshi orynbasary Marat Tasmaǵanbetov óz baıandamasynda halyqty aqparattandyrý aıasynda izbiratel.sko.kz izdeý servısi iske qosylǵanyn habarlady. Ol Petropavl qalasy men aýdan ákimdikteriniń resmı saıttarynda qoljetimdi. Sonymen qatar 13 aýdan men oblys ortalyǵynda «Telegram bot «SailauSkoBot» jáne Call-ortalyqtar bar. iKOMEK-109 biryńǵaı baılanys ortalyǵynyń bazasynda táýlik boıy call-ortalyq jumys isteıdi.
Saılaý ýchaskeleriniń materıaldyq-tehnıkalyq jaraqtandyrylýy, onyń ishinde jabdyqtalǵan kabınalar, turaqty saılaý jáshigi, tasymaldanatyn saılaý jáshikteri, aqparattyq stendter jáne t.b. qamtamasyz etildi.
Oblysta 26 myńǵa jýyq múgedektigi bar adamdar bar, onyń 2 239-y saılaý ýchaskelerinde erekshe jaǵdaılardy talap etedi. Nashar kóretin azamattardyń saılaý quqyqtaryn qamtamasyz etý maqsatynda obektilerde taktıldi kórsetkishter ornatyldy, sondaı-aq Braıl shrıftimen jaraqtandyrylǵan aqparattyq kesteler bar. 626 obektide múgedektigi bar adamdarǵa jáne basqa da múmkindigi shekteýli azamattarǵa qyzmet kórsetý aımaqtary uıymdastyrylady, 502 saılaý ýchaskesin tirek-qımyl apparaty buzylǵan azamattardyń daýys berýine arnalǵan arnaıy kabınalarmen jabdyqtaý josparlanýda. Daýys berý kúni «Invataksı» jáne áleýmettik taksı qyzmetteri tartylatyn bolady.
OSK tóraǵasy múgedektigi bar adamdar daýys beretin barlyq ýchaskelerdi aralap, halyqty áleýmettik qorǵaý basqarmasynyń nazaryn olarǵa barlyq jaǵdaılardy qamtamasyz etýge aýdardy, sondaı-aq komıssııa músheleriniń nazaryn daýys berýge arnalǵan úı-jaılardyń tek saılaýshylar úshin ǵana emes, baıqaýshylar, senim bildirilgen adamdar jáne buqaralyq aqparat quraldarynyń ókilderi úshin de qoljetimdiligi men yńǵaılylyǵyn qamtamasyz etý qajettigine aýdardy.
Sondaı-aq ol bul naýqanda el boıynsha barlyq ÝSK 100% Braıl trafaretterimen qamtylatynyn atap ótti. Jalpy, bolashaqta Braıl shrıftin biletin mamandardy daıarlaýǵa erekshe nazar aýdarý qajet ekenin atap ótti, óıtkeni eldiń saılaý júıesiniń ózgerýine baılanysty kelesi jyldan bastap saılaý jıi ótedi (Parlament Májilisin, oblystyq jáne aýdandyq máslıhattardy qalyptastyrýdyń jańa qaǵıdattary, ımperatıvti mandatty engizý, aýdandar, oblystyq mańyzy bar qalalar ákimderin saılaýdy engizý).
Sapar aıasynda Nurlan Ábdirov saılaýshylar men múgedektigi bar adamdar úshin ýchaskelerdiń yńǵaılylyǵy men qoljetimdiligin, olarda kompıýter, aýdıo jáne beıneapparatýralar, qulaqqaptar, qosymsha jaryqtandyrý, lýpa jáne t.b. qamtylǵan buryshtardyń bolýyn tekserdi. Eki satyly arba kótergish júıemen jabdyqtalǵan ýchaskelerdiń birin joǵary baǵalady. Osyǵan baılanysty barlyq ýchaskelerdi osy jabdyqpen qarqyndy jabdyqtaý qajettiligin atap ótti.
Basqa saılaý ýchaskesinde daýys berýge arnalǵan jáshikterdiń yńǵaısyz ornalasýyna baılanysty OSK basshysy baıqaýshylarǵa, senim bildirilgen adamdarǵa, buqaralyq aqparat quraldarynyń ókilderine kedergisiz baıqaýǵa múmkindik beretindeı etip qoıýdy usyndy. Óz kezeginde ýchaskelik komıssııalardyń músheleri Ortalyq saılaý komıssııasy ázirlegen ÝSK músheleri toltyratyn ártúrli jýrnaldardyń joǵary sapasy men yńǵaılylyǵyn atap ótip, alǵystaryn bildirdi.
Ýchaskelerdi aralaý kezinde OSK basshysy jergilikti atqarýshy organdardyń nazaryn saılaý ýchaskeleri ornalasqan úı-jaılardy rezervtik elektrmen jabdyqtaýdy jáne olardy jylýmen jabdyqtaýdy qamtamasyz etýge aýdardy. Sondaı-aq saılaýshylarǵa tizimderde ózderin tekserýge múmkindik beretin onlaın-servısterdiń jumysyn tekserdi jáne saılaý komıssııalary músheleriniń elektoraldyq oqytý nátıjelerimen tanysty.
Baǵdarlamanyń ekinshi bóliminde aýmaqtyq jáne ýchaskelik saılaý komıssııalary úshin keıs tehnologııasy negizinde iskerlik oıyn túrinde trenıng ótkizildi. Trenıng jumysyna Nıkaragýa, Salvador, Gvatemala, Makedonııa, ıÝgoslavııa, Grýzııa, Ýkraına, Armenııa, Túrkııa, Bolgarııa, Qyrǵyzstan, Kolýmbııa, Gondýras, Bosnııa jáne basqa da elderde saılaýdy baıqaýǵa qatysqan EQYU DIAQB baıqaýshylar Mıssııasynyń ókilderi Maximo Juan Prades Barcelo (Shvetsııa), Geraldine Ann Power (Irlandııa) qatysty.
Semınar sheńberinde daýys berý kúnindegi is-qımyl algorıtmi boıynsha saılaý komıssııalary músheleriniń praktıkalyq daǵdylary, onyń ishinde saılaý ýchaskesin daýys berý kúnine daıyndaý, saılaý bıýlletenderin berý, úı-jaıdan tys daýys berýge arnalǵan saılaý jáshikterin tasymaldaý, daýystardy sanaý algorıtmi, daýys berý qorytyndylary boıynsha hattamalardy resimdeý jáne t.b. tekserildi. OSK Tóraǵasy saılaý komıssııalary músheleriniń is-qımyl algorıtmi boıynsha naqtylaıtyn suraqtar qoıyp, daýys berý rásimin uıymdastyrýdaǵy basty mindet onyń ashyqtyǵyn qamtamasyz etý ekenin eske saldy.
Ótkizilgen kezdesýlerdiń qorytyndysy boıynsha Nurlan Ábdirov aýmaqtyq jáne ýchaskelik saılaý komıssııalarynyń tóraǵalaryna birqatar naqty tapsyrmalar berdi
Foto: election.gov.kz
