Nur-Sultan – Abý-Dabı jańa áýe reısi ashyldy
NUR-SULTAN. QazAqparat - Nur-Sultan – Abý-Dabı baǵytynda qatynaıtyn jańa áýe reısi ashyldy. Aptasyna 2 ret jasalatyn reıske bılet baǵasy 20 evrodan bastalady, dep habarlaıdy QR IIDM baspasóz qyzmeti.
2022 jylǵy 14 aqpanda Qazaqstan Respýblıkasy Indýstrııa jáne ınfraqurylymdyq damý mınıstrligi men «Wizz Air Abu Dhabi» áýe kompanııasynyń arasyndaǵy birlesken málimdeme aıasynda Qazaqstan Respýblıkasy men Birikken Arab Ámirlikteriniń astanalary arasynda jańa turaqty reıs ashyldy.
«Wizz Air Abu Dhabi» áýe kompanııasynyń Nur-Sultan – Abý-Dabı baǵytyndaǵy reısteri sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes aptasyna 2 ret - dúısenbi jáne juma kúnderi oryndalady.
Bir baǵytqa bılettiń baǵasy 20 evrodan bastalady.
