Norvegııada «Ámire» fılmi kórsetildi
ALMATY. QazAqparat – Qazaqstannyń Táýelsizdik kúni qarsańynda Norvegııa Koroldigindegi Stavanger qalasynda rejısser Djeff Vespa túsirgen «Ámire» fılmi kórsetildi, dep habarlaıdy QazAqparat tilshisi «Qazaqfılm» kınostýdııasyna silteme jasap.
Ánshi Ámire Qashaýbaevtyń ómirinen syr shertetin kınotýyndy Stavanger qalasyndaǵy Odeon Kino kınoteatrynda kórsetildi. Bul mádenı is-sharany Qazaqstan Respýblıkasynyń Norvegııa Koroldigindegi Elshiligi jáne Sh.Aımanov atyndaǵy «Qazaqfılm» kınostýdııasy uıymdastyrǵan.
«Kınotýyndy qazaqtyń tenor daýysty birtýar ánshici Ámire Qashaýbaevtyń qamshynyń sabyndaı qysqa da, jarqyn ǵumyryn baıandaıdy. Ol 1925 jyly Parıjdegi EKSPO kórmesi aıasynda dúnıejúzilik mýzyka konkýrsyna qatysyp, Eýropa jurshylyǵyna alǵash bolyp qazaqtyń dástúrli án oryndaý ónerin jáne ulttyq aspap dombyrany pash etken», - dedi kórsetilim aldynda Qazaqstannyń Norvegııa Koroldigindegi Tótenshe jáne Ókiletti Elshisi Erkin Ahınjanov .
Norvegııalyq kórermenderdi, kınodaǵy qazaq dalasynyń qaıtalanbas tabıǵaty tańqaldyrǵan.
«Ámire» fılmi qazaq mádenıetimen jaqyn tanysýǵa, sondaı-aq eshkimge de belgisiz ári qyzyqty jáıttardy bilýge múmkindik beredi. Bul týyndy tili men saıası kózqarastarǵa qaramastan adamdardy baılanystyra alatyn mýzykanyń qudyretti kúshi týraly. Fılmde qazaq dalasynyń qaıtalanbas tabıǵaty da kórkem sýrettelgen», - dedi norvegııalyq kórermen Ron-Erık Sletvık.
Aıta ketsek, shara aıasynda Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń «Beıbitshilik kindigi» kitabynyń tusaýkeseri ótti.
