Nysana kózdeý: «Altyn mergen» halyqaralyq týrnıri bastaldy

ASTANA. KAZINFORM – Shymkent qalasynda nysana kózdeýden «Altyn mergen» halyqaralyq týrnıri bastaldy. 

QR Sportty damytý dırektsııasy málim etkendeı, bir aptaǵa jalǵasatyn bıylǵy týrnırge Qazaqstannan ózge Ózbekstan, Qyrǵyzstan, Túrkimenstan, Tájikstan men Belarýs Respýblıkasynan kelgen 230 tańdaýly mergen ózara myqtylardy anyqtap jatyr. 

Atalǵan dodada barlyǵy 25 júlde jıyntyǵyn sarapqa salady.

Qazaqstan quramasy sapynda Parıj Olımpıadasynyń joldamasyn jeńip alǵan Islam Satpaev, Arına Altýhova, Aleksandra Le, Konstantın Malınovskıı men Nıkıta Chırıýkın synǵa túsýde. Buǵan qosa qurama sapynda Valerıı Rahymjan, Zýhra Irnazarova, Fatıma Irnazarova, Irına ıÝnýsmetova, Elızaveta Bezrýkova, ıÝrıı ıÝrkov, Asadbek Nazırkýlev syndy júlde alyp júrgen sportshylar da bar.