Neımar Saýd Arabııasynda bir sekýndta qansha aqsha tabady

ASTANA. QazAqparat – Brazılııalyq shabýylshy Neımardyń Saýd Arabııasynyń «Al-Hılıal» komandasyndaǵy jalaqysy belgili boldy, dep habarlaıdy QazAqparat Sports.kz-ke silteme jasap.

31 jastaǵy brazılııalyq jańa klýbta eki jylda 300 mıllıon eýro tabady, alaıda bul soma barlyq bonýstar men kommertsııalyq mámilelerdi qosqanda 400 mıllıonǵa deıin ósýi múmkin.

Sports.kz esepteýinshe, Neımardyń jalaqysy bir jylda 200 mıllıon eýrony qurasa, onda ol aıyna 16,67 mln eýro, aptasyna - 4,17 mıllıon eýro, kúnine - 595,2 myń eýro, saǵatyna - 24,8 myń eýro, mınýtyna – 413 eýro, sekýndyna - 6,9 eýro tabady.

Eske salaıyq, Neımardyń sońǵy klýby frantsýzdyq «PSJ» boldy. Ótken maýsymda brazılııalyq 29 match oınady, onda ol 18 ret gol soqty.