«Myń bala» jobasynyń jeńimpazdary anyqtaldy
Ózge ult ókilderiniń balalaryn qazaq tilin úırenýge yntalandyryp, sol arqyly memlekettik tildi xalyqty biriktirýshi faktor retinde qalyptastyrýdy kózdeıtin baıqaý birneshe atalym boıynsha aýdandyq jáne oblystyq deńgeıde uıymdastyryldy. Osy synaqtardan súrinbeı ótken 50-ge jýyq jas óren qazaqtyń jyraýlaryn jatqa aıtyp, terme oryndaýdy da biledi.
Atap aıtqanda, "Táýelsizdik - tiregim" taqyrybyna memlekettik tilde esse men óleńder jazý baıqaýynda Marııa Rojıtsyna (Almaty qalasy), ıAna Krıýchek (Aqmola oblysy), Nadejda Tımoşýk (Aqtóbe oblysy), Dılnaz Abdývalıeva (Almaty oblysy), Mıxaıl Napylov (Atyraý oblysy), Anna Pankratova (Batys Qazaqstan oblysy), Shaxzoda Abdýllaeva (Jambyl oblysy), Krıstına Hvan (Qaraǵandy oblysy), Anna Sýverneva (Qostanaı oblysy), Valerııa Frolova (Qyzylorda oblysy), Shazada Agamalıeva (Pavlodar oblysy), Sergeı Vorontsov (Soltústik Qazaqstan oblysy), Alena Arxıpova (Ońtústik Qazaqstan oblysy) men Vlada Kozlova (Shyǵys Qazaqstan oblysy) oq boıy ozyq shyqty.
Sheshendik óner jaǵynan Daıana Potapova (Aqmola oblysy), Elızaveta Bıbrıx (Aqmola oblysy), Vladımır Bolshakov (Qaraǵandy oblysy), Zabar Abdýrashıtova (Almaty oblysy), Dıana Markobronova (Atyraý oblysy), Aleksandr Ilenkov (Shyǵys Qazaqsta oblysy), Dılnaz Mýstafaeva (Batys Qazaqstan oblysy), Kamıla Mýxammadova (Jambyl oblysy), Maksım Voıtenko (Qaraǵandy oblysy), Seda Gasanova (Mańǵystaý oblysy), Alısher Rozmetov (Qyzylorda oblysy), Irına Bondar (Pavlodar oblysy), Danıl Kozlov (Pavlodar oblysy), Olga Berg (Pavlodar oblysy), Zaınaf Nabıeva (Soltústik Qazaqstan oblysy), Sergeı Axmedov (Qostanaı oblysy), Galına Jýkova (Soltústik Qazaqstan oblysy), Týral Mamedov (Almaty oblysy), Oksana Golym (Almaty oblysy), Alekseı Cherkezıýk (Qyzylorda oblysy), Valerııa Valıtova (Ońtústik Qazaqstan oblysy) men Jafar Agadı (Ońtústik Qazaqstan oblysy) úzdik dep tanyldy.
Budan bólek, "Memlekettik til - Táýelsizdiktiń tiregi" atty beınerolıkter baıqaýynda Radmıl Adgamov (Atyraý oblysy), Ekaterına Naıvert (Shyǵys Qazaqstan oblysy), Svetlana Mýrzına (Batys Qazaqstan oblysy), Marına Ýstınova (Jambyl oblysy), Mıras Rıxard (Qaraǵandy oblysy), Olga Tıxova (Qostanaı oblysy) men Denıs Konoxov (Astana qalasy) jeńimpaz atandy.
Saltanatty marapattaý rásimi kezinde sóz sóılegen Parlament Májilisiniń depýtattary qazaq tilin úırenip jatqan balalardyń ata-analaryna óz alǵystaryn aıtyp, talaptaryna nur jaýǵandy tiledi. Al Qazaqstan xalqy Assambleıasy tóraǵasynyń orynbasary Eraly Toǵjanov "Myń bala" jobasy aıasynda qazaq tilin meńgergen ózge ult ókilderiniń sanyn jarııalady. Jıyn sońynda Pavlodar oblysynan kelgen Irına Bondar men Olga Berg "Qazaq eli osyndaı" ánin oryndap berdi. Olarǵa qalǵan balalar da qosyldy.
