Murat Balpan Aqmola oblysy ákiminiń orynbasary bolyp taǵaıyndaldy

KÓKShETAÝ. KAZINFORM — QR Prezıdenti Ákimshiliginiń kelisimi negizinde Aqmola oblysy ákiminiń ókimimen Murat Saǵatuly Balpan oblys ákiminiń aýyl sharýashylyǵy jónindegi orynbasary bolyp taǵaıyndaldy.

Aqmola oblysy ákimdiginiń baspasóz qyzmetiniń málimetinshe, Murat Saǵatuly 1970 jyly Aqmola oblysynyń Aqkól aýdanynda týǵan. Qaraǵandy memlekettik tehnıkalyq ýnıversıtetin, A.Myrzahmetov atyndaǵy Kókshetaý ýnıversıtetin jáne Omby gýmanıtarlyq-tehnıkalyq akademııasyn bitirgen.

Eńbek jolyn 1989 jyly Aqkól aýdany «Hleborob» keńsharynyń qurylys ýchaskesinde jumysshy bolyp bastady.

1989-1994 jyldary Aqkól aýdanynda aýyl sharýashylyǵy óndirisiniń ártúrli jaýapty laýazymdarynda jumys istedi.

1994-1998 jyldary Aqkól aýdany Naýmov aýyldyq okrýginiń ákimi, 1999-2000 jyldary Aqmola oblysy ákimi apparatynda uıymdastyrý-baqylaý bóliminiń keńesshisi, Tselınograd aýdany ákimi apparatynyń basshysy, 2000-2008 jyldary Aqkól aýdany ákiminiń orynbasary, 2008-2009 jyldary «QTJ» UK» AQ sharýashylyq basqarmasy fılıalynyń bólim bastyǵynyń orynbasary, keıin basshysy bolyp jumys istedi.

2019-2012 jyldary «Básekelestik saıasatty damytý jáne qorǵaý ortalyǵy» AQ departamentiniń dırektory, Básekelestikti qorǵaý agenttiginiń tergeý departamenti memlekettik organdarynyń básekelestikke qarsy is-qımyldardy tergeý basqarmasyn, Básekelestikti qorǵaý agenttiginiń Qostanaı jáne Soltústik Qazaqstan oblystary boıynsha óńiraralyq ınspektsııasyn basqardy.

2012-2014 jyldary Bulandy aýdanynyń ákimi, 2014-2015 jyldary Aqmola oblysy kásipkerlik jáne ónerkásip basqarmasy basshysynyń orynbasary, 2015-2017 jyldary Aqmola oblysy aýyl sharýashylyǵy basqarmasynyń basshysy, 2017 — 2021 jyldary Jarqaıyń aýdanynyń ákimi, 2021-2022 jyldary Aqmola oblystyq máslıhatynyń hatshysy boldy.

Osy taǵaıyndaýǵa deıin Arshaly aýdanynyń ákimi qyzmetin atqardy.

Aıta ketsek, budan buryn Tselınograd aýdanyna jańa ákim taǵaıyndalǵanyn jazǵan edik.