Munaıdyń álemdik baǵasy arzandap jatyr

BAKÝ. QazAqparat – Munaı baǵasy AQSh-tyń aldaǵy ınflıatsııa derekteri jáne Azııa men Amerıka Qurama Shtattardaǵy munaı óńdeý zaýyttarynyń jumysyn qalpyna keltirýge baılanysty jumada ótken sessııada 2%-ǵa kóterilgennen keıin qaıta quldyrap jatyr, dep habarlaıdy QazAqparat tilshisi Reuters-ke silteme jasap.

Brent markaly munaı fıýchersteri juma kúni 2,2%-ǵa qymbattap, Baký ýaqytymen tańǵy saǵat 10-da 74 tsentke nemese 0,9%-ǵa, barreline 85,65 dollarǵa deıin tómendedi.

Al amerıkalyq WTI markaly munaı aldyńǵy sessııadaǵy 2,1% ósimnen keıin osy joly 73 tsentke nemese 0,9%-ǵa tómendep, barreline $78,99 dollarǵa satyldy.

OANDA bırjalyq kompanııasynyń sarapshylary shıki munaı baǵasynyń tómendeýi energetıkalyq treıderlerdiń oǵan suranys boljamynyń áleýetti álsireýin kútýimen baılanysty ekenin atap ótti.

Investorlardyń mundaı áreketi AQSh-tyń Federaldy rezervtik júıesi (FRS) tarapynan 14 aqpandaǵy aldaǵy negizgi FQJ ınflıatsııa esebiniń aıasynda aqsha-nesıe saıasatyn qataıtý qajettiliginen týyndap otyr.

Basylym eldegi ınflıatsııany tejeý úshin AQSh FQJ-niń eldegi ınflıatsııaǵa tótep berý maqsatymen paıyzdyq mólsherlemesin kóterýi ekonomıkalyq belsendilik pen munaıǵa suranysty báseńdetýi múmkin ekenin joqqa shyǵarmaıdy.

CMC Markets sarapshylary jeksenbi kúni Djeıhandaǵy túrik termınaly arqyly Ázerbaıjan munaıynyń eksportynyń qaıta jandanýy da qara altyn jetkizilimine qatysty alańdaýshylyqty azaıtty dep sanaıdy.

Termınal ótken aptada Túrkııa men Sırııada bolǵan joıqyn jer silkinisi saldarynan zaqymdanǵan. Bul – Ázerbaıjan men Iraktan munaı tasymaldaıtyn qubyrlar úshin qoıma jáne tıeý pýnkti.

Munaı baǵasy juma kúni Reseı naýryz aıynda shıki munaı óndirýdi táýligine 500 myń barrelge nemese óndiristi shamamen 5%-ǵa qysqartatynyn málimdegennen keıin kóterildi.

Munaı eksporttaýshy elder uıymy (OPEK) jáne olardyń seriktesteri, sonyń ishinde Reseı men OPEK+ dep atalatyn top qazan aıynda óndiristi táýligine 2 mln barrelge qysqartýǵa kelisti. Bul – álemdik suranystyń shamamen 2%.

Sońǵy aptada Brent 8,1%-ǵa, al WTI – 8,6%-ǵa qymbattady. Buǵan jeltoqsanda COVID shekteýi alynǵannan keıin álemdegi eń iri shıki munaı tutynýshy Qytaıdaǵy suranystyń qalpyna kelýine degen optımızm septigin tıgizgen.

Basylym Aspanasty elinde suranystyń qalpyna kelýi jáne ınvestıtsııa tapshylyǵyna baılanysty usynystyń shekteýli ósýi jaǵdaıynda munaı baǵasy bıyl barreline 100 dollarǵa deıin kóterilýi múmkin dep boljap otyr.

Foto: REUTERS/Tatiana Meel