Munaı baǵasy 2 dollarǵa tómendedi
ASTANA. 29 aqpan. QazAqparat - Munaıdyń álemdik baǵalary AQSh-tan kelgen jaǵymsyz ekonomıkalyq statıstıkaǵa baılanysty kúrt tómendep ketti.
NYMEX-te tehastyq Light Sweet-tiń barreli 2 dollar 1 tsentke tómendep, 106 dollar 55 tsent mejesine jetti, dep habarlady RBK.
Reseılik Urals-tyń quny belgilenetin soltústikteńizdik Brent-tiń quny Londonda 121 dollar 55 tsent kórsetkishine deıin 2 dollar 62 tsentke tómendedi.
Mundaı quldyraýdyń sebebi AQSh-tan jetken habarlama boldy. Saýda mınıstrliginiń málimetine sáıkes, AQSh-ta uzaq paıdalanylatyn taýarlarǵa tapsyrys kólemi 2012 jyldyń qańtarynda onyń aldyndaǵy aımen salystyrǵanda 4 paıyzǵa, benzınge 5,5 paıyzǵa tómen boldy.
