Mýaı-taıdan Qazaqstan chempıonatynyń úzdikteri anyqtaldy
ASTANA. KAZINFORM – Astana qalasynda jasóspirimder men jastar arasynda mýaı-taıdan Qazaqstan Respýblıkasynyń chempıonaty óz máresine jetti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Tórt kúnge sozylǵan jarys qorytyndysy boıynsha jalpykomandalyq esepte kósh bastaǵandar:
1-oryn - Almaty oblysy
2-oryn - Almaty qalasy
3-oryn - Soltústik Qazaqstan oblysy
Dodaǵa elimizdiń 16 óńirinen 425 sportshy qatysty.
Aıta keteıik, baıraqty básekeniń jeńimpazdary maýsym aıynda Kýala-Lýmpýrda ótetin mektep oqýshylary arasyndaǵy álem chempıonatynda, sondaı-aq qyrkúıekte Prıshtınada (Kosovo) ótetin jastar arasyndaǵy álem birinshiliginde el namysyn qorǵaýǵa múmkindik aldy.
Qazaqstandyq tennısshiler Asyljan Arystanbekova men Іńkár Dúısebaı juptyq synda Madrıd (Ispanııa) ITF W15 týrnıriniń fınalyna shyqqanyn jazǵan edik.
