Monte-Karlo masters týrnırinde Býblık alǵashqy qarsylasyn utty

ASTANA. KAZINFORM — Qazaqstannyń birinshi, álemniń 11-raketkasy Aleksandr Býblık Monte-Karlo masters týrnırin jeńispen bastady.

Qazaqstandyq tennısshi álemniń burynǵy 6-raketkasy, qazirgi kezde 199-orynda turǵan frantsııalyq, 39 jastaǵy Gael Monfıstiń meselin qaıyrdy.
Eki set te 6:4 esebimen aıaqtaldy.

Bir saǵat 17 mınýtqa sozylǵan básekede Býblık 4 eıspen birge 7 breık-poınttyń úsheýin qur jibergen joq. Monfıs 2 eıs, 1 breıkpen shekteldi.

Aleksandr Býblık úshinshi aınalymǵa shyǵý úshin álemniń 13-raketkasy, chehııalyq Irjı Legechka nemese reıtıngide 39-satydaǵy chılılik Alehandro Tabılonyń qaı jeńgenimen talasady. 

Taǵy bir qazaqstandyq, reıtıngide 77-oryndaǵy Aleksandr Shevchenko alǵashqy aınalymnan asa almady. Ol álemniń 51-raketkasy, horvatııalyq Marın Chılıchke ese jiberdi — 1:6, 3:6.

Eske sala keteıik, budan buryn 16 jastaǵy qazaqstandyq tennısshiniń Aljırdegi jarysta chempıon atanǵanyn jazǵan bolatynbyz.