Mońǵolııada kóktemgi egis 633 myń gektardan asady
ASTANA. KAZINFORM — Mońǵolııada bıylǵy kóktemde 372,7 myń gektar dándi daqyl, 16 myń gektar kartop, 18,3 myń gektar kókónis, 121,9 myń gektar mal azyǵy jáne 104,1 myń gektar maıly daqyl egý josparlanǵan, dep habarlaıdy Montsame.
Jalpy egis kólemi 633,4 myń gektardy quraıdy.
Azyq-túlik, aýyl sharýashylyǵy jáne jeńil ónerkásip mınıstri Tsagaanhýýgıın Iderbat Uly memlekettik hýraldyń profıldik komıteti otyrysynda málim etkendeı, 474,8 myń tonna astyq, 180,6 myń tonna kartop, 273,9 myń tonna kókónis, 287 myń tonna mal azyǵy jáne 69,1 myń tonna maıly daqyl jınalady dep kútiledi.
Mınıstrdiń aıtýynsha, «Tyń-4: Aýyl sharýashylyǵyn turaqty damytý» naýqany aıasynda úkimet bankter arqyly aınalym qarajatyn tolyqtyrýǵa arnalǵan nesıeler berip jatyr. Nátıjesinde 117 azamat pen kásiporyn 31,04 mlrd tógróg kóleminde nesıe alǵan.
Sondaı-aq qarjylandyrý kólemin ulǵaıtý josparlanyp otyr, bul nesıeleýdi qoljetimdi ári teńdeı bólýge múmkindik beredi.
Kóktemgi egiske daıyndalyp, ótken jylǵy ónimnen 154,6 myń tonna azyq-túlik bıdaıyn naryqqa shyǵarǵan 405 kásiporynǵa 12,3 mlrd tógróg bólindi.
Budan bólek, kókónis naryǵynda jumys isteıtin 572 kásiporynǵa 4,8 mlrd tógróg kóleminde sýbsıdııa berildi.
Osyǵan deıin Mońǵolııada deportatsııalanǵan shetel azamattarynyń sany 28%-ǵa artqanyn jazdyq.
