Mońǵolııa EAEO erkin saýda aımaǵyn qurýǵa daıyn ekendigin bildirdi
ASTANA. QazAqparat - Peterbýrg halyqaralyq ekonomıkalyq forýmy aıasynda Eýrazııalyq ekonomıkalyq komıssııa alqasynyń tóraǵasy Tıgran Sarkısıan Mońǵolııa Premer-Mınıstri Jargaltýlgyn Erdenebatpen kezdesti, dep habarlaıdy EEK baspasóz qyzmeti.
Taraptar elder arasyndaǵy yntymaqtastyq nátıjelerin oń baǵalady. «Bizdiń qatynastarymyz óte qarqyndy damýda. EEK ókilderi men Mońǵolııanyń tıimdi ózara is-qımyly biz jáne bizdiń bıznes úshin mańyzdy kóptegen túıindi máselelerdi sheshti, - dep atap ótti Tıgran Sarkısıan.
Óz kezeginde Mońǵolııa Premer-Mınıstri qysqa ýaqyt aralyǵynda saýda-ekonomıkalyq yntymaqtastyq týraly memorandým jasasýdan bastap naqty bastamalardy talqylaýǵa deıingi joldardan tabysty ótkendigin jáne ol ózara saýda-sattyqtyń ósýine jáne kedergilerdi joıýǵa múmkindik beretindigin atap ótti.
