Mysyrda polıtsııa qyzmetkeri eki ızraıldik týrısti atyp óltirdi

Mysyr polıtsııasynyń qyzmetkeri Jerorta teńizindegi Aleksandrııa qalasynda ızraıldik týrısterge oq jaýdyryp, kem degende eki ızraıldik pen bir mysyrlyq azamatty óltirdi. QazAqparat bul týraly Euronews-ke silteme jasap habarlaıdy.

Jergilikti BAQ qaýipsizdik qyzmetkerlerine silteme jasap habarlaýynsha, Pompeı baǵanasy mańynda jasalǵan shabýylda taǵy bir adam jaraqat alǵan.

Habarlamada shabýyl jasady degen kúdiktiniń ustalǵany aıtyldy.

Qaýipsizdik qyzmetkerleri shabýyl bolǵan jerdi dereý qorshaýǵa aldy.

Áleýmettik jelide taraǵan áýesqoı beınetúsirilimde kem degende úsh jedel járdem kóliginiń zardap shekkenderdi aýrýhanalarǵa apara jatqany kórinedi.