Mınıstr pııaz baǵasynyń ósýin túsindirdi

ASTANA. QazAqparat –Aýyl sharýashylyǵy mınıstri Erbol Qarashókeev elimizdegi pııaz tapshylyǵy men baǵasyna qatysty pikir bildirdi, dep habarlaıdy QazAqparat tilshisi.

«Iá, Magným, Smoll jelilerinde pııazdyń baǵasy 340 – 400 teńge. Bul pııaz aınalasyndaǵy sońǵy ýaqyttaǵy ajıotajǵa baılanysty. Pııaz naryǵyndaǵy jaǵdaıdy baqylap otyrmyz. Ótken jyly elimizge 1,5 mıllıon tonna pııaz ákelindi. Onyń 1 mıllıon 100 myńy Jambyl oblysyna jetkizildi. Keıin pııaz eksporttaýshy Pákistandaǵy tabıǵı qubylystardyń saldarynan (sý tasqyny, aýa raıynyń aıaq astynan sýytýy) pııaz jetkizý kólemi azaıdy. Sonymen qatar kórshimiz Ózbekstanda pııazǵa suranys artty. Osy jaǵdaılardy eskere otyryp, biz pııaz eksportyna ýaqytsha shekteý qoıdyq», - dedi Erbol Qarashókeev Úkimet úıinde ótken brıfıng barysynda.

Onyń aıtýynsha, pııaz baǵasy baqylaýda.

«Búginde Jambyl oblysynda 100 myń tonna pııaz qory bar. Bul kelesi egis maýsymyna deıin jetkilikti. Qazir kóterme baǵa 150 teńgeden 230 teńge arasynda aýytqýda. Bul qubylys logıstıkamen baılanysty. Jaqyn arada másele retteledi. Elimizde pııaz bar. Statıstıkaǵa súıensek, aqpannyń basynda, Astanada pııazdyń kelisi 190 - 210 teńge boldy», - deıdi ol.

Foto: t.me/Kzgovernment