Mindetti medıtsınalyq saqtandyrý boıynsha dárigerler test tapsyrady
NUR-SULTAN. QazAqparat – Densaýlyq saqtaý mınıstrligi dárigerler men orta medıtsınlyq qyzmetkerlerdiń normatıvtik-quqyqtyq aktilerin bilý deńgeıin táýelsiz baǵalaıdy, dep habarlaıdy QazAqparat mınıstrliktiń baspasóz qyzmetine silteme jasap.
«QR Densaýlyq saqtaý mınıstrligi 4-17 jeltoqsan aralyǵynda mindetti áleýmettik medıtsınalyq saqtandyrýdy engizý sheńberinde «Ulttyq táýelsiz emtıhan ortalyǵy» RQB júıesinde onlaın rejimda praktıkalyq densaýlyq saqtaý mamandary (dárigerler men orta medıtsınlyq qyzmetkerler) úshin normatıvtik-quqyqtyq aktilerin bilý týraly táýelsiz baǵalaýdy uıymdastyratynyn habarlaıdy», delingen habarlamada.
Testileýge qatysý úshin praktıkalyq densaýlyq saqtaý mamandary aldyn ala tirkeýden ótýi jáne aqparattyq baǵalaý júıesine ótinim berýi qajet, sodan keıin bir jumys kúni ishinde óńdelýin kútedi.
Testileý táýligine 24 saǵat onlaın rejiminde qoljetimdi. Testileýden ınternet jelisine qosylǵan kez kelgen qurylǵydan ótýge bolady. Testileý ýaqyty 30 mınýtty quraıdy. Ótinim berý nusqaýlyǵymen siltemede tanysýǵa bolady.
