Mılan Qysqy Olımpıada oı̆yndarynyń bıleti qalaı satylyp jatyr
ASTANA.KAZINFORM – HHV Qysqy Olımpıada jáne Paralımpıada oıyndarynyń bıletteri jaqynda resmı satylymǵa shyqty.
Mılan Qysqy Olımpıada oı̆yndarynyń resmı saıtynyń habarlaýynsha, kórermender resmı saıt arqyly kesteni tekserip, marshrýttaryn josparlaı alady. Bılet satý birinshi kelgen adamǵa, birinshi qyzmet kórsetý prıntsıpi boıynsha júzege asyrylady. Árbir paıdalanýshy 25 elektrondy bılet satyp ala alady, al bılet ıesi týraly aqparatty resmı qoldanbada 2025 jyldyń jeltoqsanynan bastap tegin ózgertýge bolady. 3 jasqa deıingi balalar eresek adamnyń qolynda bolsa, stadıonǵa tegin kire alady.
Mılandaǵy Qysqy Olımpıadany uıymdastyrý komıteti is-sharanyń resmı platformasy bıletterdi satyp alýdyń jalǵyz zańdy arnasy ekenin jáne beıresmı platformalardaǵy bıletter kire almaý nemese bıletti joıý sııaqty táýekelderge ushyraıtynyn eskertti.
Bılet baǵasy sport túrlerine baılanysty ózgeredi, eń tómengi baǵa nebári 30 eýro. Jalpy, bıletterdiń shamamen 20% -y 40 eýrodan tómen, al 57% -dan astamy 100 eýrodan tómen baǵalanady.
Bıletter A-dan D-ge deıingi tórt deńgeıge bólinedi, al baǵalar sport túrleriniń tanymaldylyǵy men otyratyn orynǵa qaraı bólinedi. Eń basty oqıǵa 2026 jyldyń 6 aqpanynda Mılandaǵy San-Sıro stadıonynda ótetin ashylý saltanaty bolady.
Bılettiń tórt deńgeıge bólingen, eń qymbat bılettiń baǵasy – 2 026 eýro. Al qalǵan úsh deńgeıdegi bıletter 1 400 eýro, 700 eýro jáne 260 eýroǵa satylyp jatyr. Jabylý saltanaty Verona Arena-da ótedi, bıletter sáıkesinshe 2 900 eýro, 1 800 eýro jáne 950 eýroǵa baǵalanǵan.
Erler arasyndaǵy shaıbaly hokkeı sııaqty tanymal sport jarystarynyń bıletteriniń baǵasy 190 eýrodan, konkımen júgirý 280 eýrodan jáne short-trek 450 eýrodan bastalady. Mánerlep syrǵanaýdan jupttyq synnyń bıletteri 750 eýroǵa deıin satylyp otyr.
Paralımpıada bıletteri úshin de kóptegen jeńildikter qarastyrylǵan. 14 jasqa deıingi balalarǵa arnalǵan bıletter 10 eýrodan tómen. Barlyǵy 200 myńnan astam bılettiń baǵasy 35 eýrodan tómen bolady.
6 mamyrǵa deıin qysqy Olımpıada bıletterin brondaý úshin jeńildik kezeńi. Buǵan deıin ótken «Bir jyldyq keri sanaq» sharasy kezinde shekteýli bıletter satylymǵa shyǵyp, 660 myńnan astam bılet satylyp ketken.
Statıstıka kórsetkendeı, alǵashqy eki kúnde 660 myńnan astam bılet satylǵan, bılet satyp alýshylar Italııa, Germanııa, AQSh, Ulybrıtanııa, Shveıtsarııa, Nıderland jáne Frantsııa sııaqty elder men aımaqtardy qamtıdy. Olardyń ishinde 25 pen 34 jas aralyǵyndaǵy aýdıtorııa 30 paıyzdan astam, al 35 pen 44 jas aralyǵyndaǵylar 25 paıyzǵa jýyǵyn quraıdy.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi.
Osyǵan deıin habarlaǵanymyzdaı, Qazaqstan Ulttyq Olımpıadalyq komıteti 2026 jylǵy Olımpıada oıyndaryna resmı shaqyrtý aldy.