Mıhaıl Shaıdorov – Olımpıada oıyndarynyń chempıony
MILAN. KAZINFORM – Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń erler arasynda mánerlep syrǵanaýdan jekeleı báseke óz máresine jetti.
Erkin baǵdarlamada qazaqstandyq Mıhaıl Shaıdorov jarys jolyna shyǵyp, sátti óner kórsetti.
Otandasymyz «Confessa» jáne «The Diva Dance» ánin tańdady. Sonymen qatar, Mıhaıl alǵashqy teheıkalyq elementke úshtik aksel, bir eıler jáne tórttik salhaý jasap, sátti oryndap shyqty.
Qorytyndysynda, qazaqstandyq mánerlep syrǵanaýshy tehnıkalyq elementter oryndaýdan 114.68 upaı, al baǵdarlama komponentterin oryndaýda 83.96 upaı enshiledi.
Osylaısha, Mıhaıl Shaıdorov qysqa baǵdarlamadaǵy 92.94 upaı jáne erkin baǵdarlamadaǵy 198.64 upaıdy qosqanda 291.58 upaımen birinshi orynnan kórinip, qysqy Olımpıada oıyndarynyń altyn júldesin jeńip aldy.
Japondyq ıÝma Kagııama jáne Sıýn Sato úzdik úshtikti túıindedi.
Aıta keterligi, bul Qazaqstan quramasynyń 2026 jylǵy qysqy Olımpıadasyndaǵy alǵashqy jáne qysqy Olımpıada tarıhyndaǵy ekinshi altyn medali.
Sonymen qatar, Qazaqstan qysqy Olımpıada oıyndarynda araǵa 8 jyl salyp júlde enshiledi.
Mánerlep syrǵanaý sportynan sońǵy ret qazaqstandyq Denıs Ten 2014 jyly Sochı Olımpıadasynda qola medal jeńip alǵan bolatyn.
Osyǵan deıin habarlaǵanymyzdaı, Mıhaıl Shaıdorov qysqa baǵdarlamada besinshi oryn aldy.