Mıhaıl Kýkýshkın Italııada Bergamo negizgi týrnırine ótti

Qazaqstandyq, álemniń 213-raketkasy Mıhaıl Kýkýshkın Bergamo (Italııa) chellendjer týrnıriniń irikteý saıysyn sátti ótkizdi, dep habarlaıdy Kazinform. 

Qazaqstandyq tennısshi aldymen dúnıejúzilik reıtıngte 589-orynda turǵan ıtalııalyq Federıko Arnaboldıdi 6:3, 6:2 esebimen joldan taıdyrdy.

M.Kýkýshkınniń irikteý saıystarynyń fınalyndaǵy kezdesýi áldeqaıda tartysty órbip, úsh setke sozyldy. Qazaqstandyq sportshy reıtıngte 305-satydaǵy makedonııalyq Kalın Ivanovskıdi 3:6, 7:6 (7:2), 6:4 esebimen tize búktirdi.

Eki saǵat jarymǵa sozylǵan báseke barysynda M.Kýkýshkın 2 eıs jasap, 7 breık-poınttyń úsheýin paıdalandy. K.Ivanovskı 20 eıspen birge 3 breıkke (10 breık-poınt) qol jetkizdi.

Mıhaıl Kýkýshkınniń negizgi dodadaǵy qarsylasy keıin anyqtalady.

Bergamo jarysynyń júlde qory 73 myń eýroǵa baǵalanǵan. Doda 5 qarashada aıaqtalady.

Eske sala keteıik, budan buryn WTA qorytyndy týrnırinde Elena Rybakınanyń alǵashqy matchynda jeńilip qalǵanyn jazǵan edik.

Sondaı-aq Qazaqstan jasóspirimder quramasynyń Devıs kýbogindegi qarsylastary anyqtaldy.