Microsoft Windows 10 júıesin qoldaýdy toqtatty

ASTANA. KAZINFORM — Microsoft korporatsııasy búkil álem boıynsha Windows 10 operatsııalyq júıesin qoldaýdy toqtatty. Bul týraly kompanııanyń resmı saıty jarııalady. 

Resmı málimdemede bul operatsııalyq júıeni qoldaý 14 qazan kúni aıaqtalatyny aıtyldy.

— Endi tehnıkalyq qoldaý, quramdas jańartýlar jáne qaýipsizdik jańartýlary qamtamasyz etilmeıdi. Eger sizde Windows 10 júıesi ornatylǵan qurylǵylar bar bolsa, olardy zamanaýı, qaýipsiz jáne tıimdilik úshin Windows 11 júıesine jańartýdy usynamyz, — dep atap ótti kompanııa ókilderi.

Microsoft bul operatsııalyq júıege qoldaý kórsetýdiń aıaqtalý kúnin Windows 11 shyǵarylymyna deıin 2021 jyldyń maýsymynda belgilegen bolatyn. Windows 10 operatsııalyq júıesi 2015 jyly shyǵaryldy. 

Kompanııa paıdalanýshylarǵa júıeni Windows 11-ge jańartýdy qatań túrde usynady. Óıtkeni eskirgen operatsııalyq júıe paıdalaný kezinde qaýip tóndiredi.

Windows 10-ǵa qoldaý kórsetý aıaqtalǵanyna qaramastan, paıdalanýshylar bir jyl ishinde jańartýlardy ala alady. Ol úshin tutynýshylar operatsııalyq júıege Microsoft eseptik jazbasyn paıdalanyp kirýi kerek.

Aıta keteıik, Microsoft kompanııasy jýyrda ǵana jańa Windows 11 operatsııalyq júıesiniń 25H2 nusqasyn shyǵardy.