Merekelik dastarhanǵa mandarın únemdeýdiń qajeti joq
ASTANA. KAZINFORM — Bıyl Qazaqstan mandarınniń rekordtyq kólemin ımporttady, dep habarlaıdy Data Hub.
2025 jyldyń 10 aıynda, QR SJRA USB-nyń sońǵy derekteri boıynsha, tanjerınder men satsýma dep atalatyn túrlerin qosa alǵanda 75,6 myń tonna mandarın ımporttalǵan.
Qazirgi deńgeıi 2024 jyldyń osy aılarymen salystyrǵanda 21%-ǵa joǵary, sonymen qatar kem degende sońǵy on jyldaǵy eń joǵary deńgeı bolyp otyr.
Shyny kerek, qazirgi klassıfıkatsııa tek 2017 jyldan beri qoldanylady, alaıda 2015-2016 jyldary da barlyq uqsas tsıtrýs jemisteriniń kólemi (ártúrli gıbrıdterdi qosa alǵanda) budan tómen bolǵan.
Al aqshalaı mánde kólemi jyldan jylǵa túsip ketken: $38 mln-nan $37 mln-ǵa deıin. Soǵan sáıkes, bir tonnasynyń ortasha dollarlyq quny da birden 20%-ǵa tómendegen. Degenmen, bul jaǵdaı bólshek saýdadaǵy baǵaǵa qanshalyqty áser etkenin resmı derekter boıynsha baǵalaý múmkin emes.
Illıýstratsııada sońǵy jyldardaǵy mandarın ımportynyń dınamıkasy kórsetilgen. Kórip otyrǵandaryńyzdaı, sońǵy jyldary Qytaıdan satyp alý kólemi aıtarlyqtaı artqan.
Budan buryn Kazinform agenttiginiń tilshisi Jańa jyl meıramy qarsańynda mandarın baǵasy qansha ekenin bildi.