Memlekettiń materıaldyq múddeleri qorǵaldy

Pavlodar oblysy boıynsha memlekettik kirister departamenti tekserý qorytyndysy boıynsha salyq tóleýshi – "Bolat Nurjanov atyndaǵy GRES-1" JShS-ne 625,2 mln teńge somasynda korporatıvtik tabys salyǵyn qosymsha eseptedi. Bul týraly Kazinform Pavlodar oblysynyń prokýratýrasy-na silteme jasap habarlady. 

Salyq salýshylardyń dálelderine sáıkes JShS qyzmetke baılanysty emes jáne tabys alýǵa baǵyttalǵan syıaqy boıynsha shyǵystardy negizsiz shegerimge jatqyzǵan. 

Keıinnen JShS joǵaryda kórsetilgen sommaǵa korporatıvtik tabys salyǵyn qosymsha esepteý bóliginde salyq organynyń habarlamasyna Mamandandyrylǵan aýdanaralyq ákimshilik sotqa shaǵymdanǵan, ol salyq salýshylardyń áreketterin zańsyz dep tanyǵan. 

Oblys prokýratýrasymen sot sheshimine apellıatsııalyq ótinishhat berildi. 

Apellıatsııalyq satydaǵy sot prokýrordyń ótinishhatynyń dálelderimen kelisip, JShS talap aryzynan tolyq kólemde bas tartty (qaýly zańdy kúshine engen joq).

Osylaısha, prokýratýramen 625,2 mln teńge sommaǵa memlekettiń materıaldyq múddeleri qorǵaldy.