Memlekettik keńesshi Erlan Qarın Ózbekstan Prezıdenti Ákimshiliginiń Basshysymen kezdesti
ASTANA. KAZINFORM - Memlekettik keńesshi Erlan Qarın Ózbekstan Prezıdenti Ákimshiliginiń Basshysy Saıda Mırzıeevamen kezdesý ótkizdi, dep habarlaıdy Aqordanyń baspasóz qyzmeti.
Erlan Qarın Prezıdent Qasym-Jomart Toqaevtyń bastamasymen Qazaqstanda júzege asyrylyp jatqan reformalardyń negizgi baǵyttary, sondaı-aq «Zań men tártip», «Taza Qazaqstan» qaǵıdattary negizinde jańa qundylyqtar júıesin qalyptastyrý boıynsha atqarylǵan jumystar týraly aıtty.
Kezdesý barysynda taraptar mádenı-gýmanıtarlyq salalardaǵy yntymaqtastyqtyń ózekti máselelerin talqylap, Qazaqstan men Ózbekstan arasyndaǵy ekijaqty baılanystardy odan ári nyǵaıtýǵa erekshe nazar aýdardy.
Aıta keteıik, osyǵan deıin Memlekettik keńesshi ishki saıasat máseleleri jóninde kezekti respýblıkalyq keńes ótkizgen bolatyn.
