«Memlekettik til jáne BAQ» baıqaýy ótedi

ASTANA. QazAqparat - Qazaqstan Respýblıkasy Mádenıet mınıstrliginiń Til komıteti memlekettik til saıasatyn buqaralyq aqparat quraldarynda keńinen nasıhattaý, memlekettik tildiń qazaq jáne orys tildi basylymdarda nasıhattalý belsendiligin arttyrý maqsatynda «Memlekettik til jáne BAQ» respýblıkalyq baıqaýyn ótkizedi, dep habarlaıdy «Báıterek» medıa ortalyǵy.

Bul baıqaýǵa elimizdiń qoǵamdyq ómirinde memlekettik tildiń qyzmet etý aıasyn keńeıtý men mártebesin nyǵaıtý maqsatynda qazirgi memlekettik tildiń ahýaly týraly ótkir de ózekti maqalalar (baǵdarlamalar) jarııalaǵan jekelegen jýrnalıster qatysa alady.

Baıqaý tórt nomınatsııadan turady:

- «Úzdik maqala» (baspasóz boıynsha ); - «Úzdik telearna baǵdarlamasy» (telearna baǵdarlamalary boıynsha); - «Úzdik radıo baǵdarlamasy» (radıo baǵdarlamalary boıynsha); - «Úzdik saıt maqalasy» (saıt materıaldary boıynsha).

Baıqaý qazaq jáne orys tilderinde jaryq kórgen jarııalanymdardy, efırden ótken habarlardy, qazaq tilinde jumys istep jatqan arnaıy saıttardy qamtıdy. Atalǵan respýblıkalyq baıqaýǵa elordanyń atynan qatysýshylardyń joldanatyn maqalalary men baǵdarlamalary, sondaı-aq olar (avtorlar, jýrnalıster) týraly tolyq málimet ereje talaptaryna sáıkes qabyldanady. Baıqaý materıaldary jarııalanǵan kúıinde (gazet-jýrnal betterinde, beıne jáne aýdıokassetalar túrinde) Astana qalasynyń Tilderdi damytý basqarmasyna 6 maýsymǵa deıin joldaný kerek.

Qazylar alqasynda saralanyp, úzdik dep tanylǵan júldegerlerdiń esimi 2014 jylǵy 25 maýsymda anyqtalady. Baǵaly syılyqtarmen marapattaý rásimi Astana qalasynda ótedi.

Baıqaýǵa usynylatyn materıaldar 2014 jylǵy 6 maýsymǵa deıin joldanýy tıis.