Memlekettik hatshy Marat Tájın daýys berdi

NUR-SULTAN. QazAqparat - QR Memlekettik hatshysy Marat Tájın kezekten tys prezıdenttik saılaýda daýys berdi, dep habarlaıdy QazAqparat tilshisi.

Memlekettik hatshy jubaıymen birge QR Ulttyq kitaphanasynda ornalasqan №111 saılaý ýchaskesine keldi.

Aıta keteıik, №111 saılaý ýchaskesinde 4 661 turǵyn tirkelgen. Olardyń 2 myńǵa jýyǵy alǵashqy bes saǵatta (saǵat 12.00-ge deıin) daýys berip úlgerdi.

Odan bólek, ýchaskede partııadan - 2 baıqaýshy, qoǵamdyq uıymdardan - 5 baıqaýshy, senimdi ókilder - 3, BAQ - 13 jýrnalıst bar. Halyqaralyq baıqaýshylar retinde BUU (3) jáne EQYU (5) ókilderi keldi.

Atalǵan ýchaskede QR Mádenıet jáne sport mınıstri Arystanbek Muhamedıuly, «Nur Otan» partııasy tóraǵasynyń birinshi orynbasary Máýlen Áshimbaev, QR Prezıdenttigine úmitker Amangeldi Taspıhov, QR Parlamenti Májilisiniń tóraǵasy Nurlan Nyǵmatýlın daýys berdi.

QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteýde. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7.00-20.00 aralyǵy) bolady. Batys Qazaqstan, Aqtóbe, Atyraý, Mańǵystaý, Qyzylorda oblystarynda ýaqyt aıyrmashylyǵyna baılanysty saılaý ýchaskeleri jergilikti ýaqyt boıynsha saǵat 07.00-de - Nur-Sultan ýaqyty boıynsha saǵat 08.00-de ashyldy.