Memlekettik apparatta 500-den astam ózgeris boldy - QR Prezıdenti
«Sońǵy jyldary memlekettik apparat qurylymynda 500-den astam ózgeris oryn aldy. Únemi bola bergen qaıta uıymdastyrý mamandardyń ketýine túrtki boldy. Sonyń saldarynan sabaqtastyq úzilip, bul memlekettik organdar qyzmetiniń tıimdiligine áserin tıgizdi», - dedi Memleket basshysy.
Prezıdenttiń atap ótýinshe, memlekettik apparat úshin ınstıtýtsıonaldy jad birinshi deńgeıli mańyzǵa ıe.
«Bólimsheniń, tipti vedomstvonyń basshylary shegirtkedeı bir laýazymnan ekinshisine kóship júrse, qandaı jad jaıynda sóz bolmaq?! Bir jyl jumys istegennen keıin kelesi laýazymdy talap etedi. Ne sol mınıstrlikte, bolmasa basqasynda. Biz máselen, Japonııadaǵydaı memlekettik qyzmetshiler úshin laıyqty áleýmettik paket qurýǵa tıispiz. Ol jaqta departament dırektory laýazymyna deıin kóterilgen memlekettik qyzmetshi rıza kóńilmen zeınetke kete beredi. Sebebi ol eń aldymen áleýmettik paketpen qamtamasyz etilgen. Ekinshi jaǵynan, olar qoǵamda qurmetke ıe. Sebebi ol belgili bir jyldar boıy mınıstrlikte jumys istep, memleketiniń damýyna óz úlesin qosty. Menińshe, bizde de solaı bolýy tıis»,- dedi Memleket basshysy.
