Meksıka kelesi jyly Astanada óz elshiligin ashpaq
Bul týraly Meksıkanyń Túrkııadaǵy Elshisi jáne Qazaqstandaǵy Elshi qyzmetin qosa atqarýshy Marta Elena Federıka Barsena Kokıý qazaqstandyq delegatsııamen kezdesýi barysynda málim etti, dep habarlady QR Indýstrııa jáne jańa tehnologııalar mınıstrligi Týrızm ındýstrııasy komıtetiniń baspasóz qyzmetinen.
«Elshi hanym 2015 jyly Astanada Meksıka elshiligin ashý josparlanyp otyrǵandyǵyn aıtty. Sonymen birge 2014 jyldyń sońyna deıin Meksıkada Qazaqstan elshiligin ashý josparlanýda», - delingen habarlamada.
Kezdesý barysynda taraptar EKSPO-2017 halyqaralyq kórmesin ótkizýde odan ary yntymaqtasý jáne ózara is-qımyldardy jandandyrý týrasynda ýaǵdalastyqqa keldi.
Aıta keteıik, Qazaqstan men Meksıka arasyndaǵy dıplomatııalyq qarym-qatynas 1992 jyly ornatylǵan bolatyn.