Maımyl sheshegi vırýsy Pákistanda da anyqtaldy

ASTANA. KAZINFORM – Pákistanda da maımyl sheshek aýrýy anyqtalǵan. Bul týraly «The Times of India» habarlady.

Eldiń Haıber-Pahtýnhva provıntsııasyndaǵy jergilikti densaýlyq saqtaý qyzmeti naýqastarda anyqtalǵan úsh jaǵdaı týraly esep bere otyryp, olardyń shetelden kelgenin aıtty. Barlyq naýqastar karantınge jatqyzyldy.

Pákistanda Birikken Arab Ámirlikterinen kelgen 34 jastaǵy er adamda maımyl sheshegi vırýsy anyqtalǵan. Aǵymdaǵy jyldyń 3 tamyzynda Peshavar qalasyna baryp, sol kúni aýyryp, naýqas dereý aýrýhanaǵa jetkizilgen.

Haıber-Pahtýnhva densaýlyq saqtaý qyzmetiniń bas dırektory Salım Han naýqastardyń ekeýi maımyl sheshegi (M-pox) vırýsyn juqtyrǵanyn rastady. Úshinshi naýqas tolyqtaı tekserilýi úshin el astanasy Islamabadtaǵy Ulttyq densaýlyq ınstıtýtyna jiberildi.

Aqparat úshin, vırýstyń alǵashqy belgileri 5-21 kúnde paıda bolady. Ol ádette joǵary temperatýrany, bas aýrýyn, arqa men bulshyqetterdiń aýyrsynýyn, lımfa túıinderiniń isinýin, sharshaýdy, qaltyraýdy jáne sýsheshek tárizdi teri bórtpelerin týdyrady. Arnaıy emi joq, biraq aýrý vırýsqa qarsy preparattarmen emdeledi. Kóp jaǵdaıda aýrý jeńil ótedi jáne naýqastar birneshe apta ishinde qalpyna keledi.

Eske salamyz, buǵan deıin DDU maımyl sheshek vırýsyna baılanysty jahandyq tótenshe jaǵdaı jarııalaǵanyn jazǵan edik.

Maımyl sheshegi alǵash ret Afrıkadan tys memlekette tirkeldi.