Mańǵystaýǵa Daǵystannan gýmanıtarlyq kómek keldi

AQTAÝ. QazAqparat - Mańǵystaýǵa Reseı Federatsııasy Daǵystan Respýblıkasynan gýmanıtarlyq kómek kelip jetti,-dep habarlaıdy QazAqparat tilshisi.

Bul kómekti qala, aýdan jáne tıisti mekemelerdiń qajettilikterine qaraı bólip berý maqsatynda «Nur Otan» partııasy Mańǵystaý oblystyq fılıaly qabyldap aldy.

Daǵystan Respýblıkasynan kelgen kómekte medıtsınalyq betperde (100 000 dana), qorǵanys kıimi (13 000 dana) jáne antıseptık quraldary (2000 dana) bar.

Búgin «Nur Otan» partııasynyń baqylaýymen oblys ákimdigi janynan qurylǵan arnaıy komıssııasy kelgen gýmanıtarlyq kómekti Mańǵystaý oblystyq Іshki ister departamentine, Mańǵystaý oblystyq densaýlyq saqtaý basqarmasyna, 6656 UU Áskerı bólimge jáne qala, aýdandarǵa bólip jiberý jumystaryn júrgizdi.