Mańǵystaýda jol boıynan er adamnyń denesi tabyldy
AQTAÝ. QazAqparat - Beket ata jerasty meshitinen 40 shaqyrym qashyqtyqtan 30-40 jas aralyǵyndaǵy belgisiz er adamnyń denesi tabyldy, dep habarlaıdy QazAqparat tilshisi.
Bul týraly polıtsııa departamentiniń baspasóz qyzmeti málim etti. Vedomstvanyń habarlaýynsha, 28 shilde kúni 102- qyzmetine er adamnyń denesi tabylǵany týraly habarlama túsken.
Oqıǵa ornyna Qaraqııa aýdanynyń jedel tergeý toby jiberilgen.
«Atalǵan derek sotqa deıingi tergep-tekserýdiń biryńǵaı júıesine tirkeldi. QR Qylmystyq kodeksiniń «kisi ólimi» baby boıynsha is qozǵaldy. Sot-medıtsınalyq saraptama taǵaıyndalǵan. Tergeý júrip jatyr» dep habarlady departamentten.
