Mańǵystaýda jol apatynan 2 adam qaza boldy
AQTAÝ. QazAqparat - Eki adamnyń ómirin qıǵan Aqtaý-Jańaózen tasjolyndaǵy apat boıynsha qylmystyq is qozǵaldy, dep habarlaıdy QazAqparat tilshisi.
Mańǵystaý oblystyq Іshki ister departamentinen málim etkendeı, 16 maýsym kúni Aqtaý-Jańaózen trassasynda «Toyota Land Cruiser» avtokóligi men «Camc Hn3250g6d» júk kóligi soqtyǵysqan. Apat saldarynan 2 adam qaza boldy.
«Atalǵan derek boıynsha QR QK-niń 345-baby 4-bóligi boıynsha qylmystyq is qozǵaldy. Qaraqııa aýdandyq ІІB-niń sotqa deıingi tergep-tekserýdiń biryńǵaı tizilimine tirkeldi. Tergeý amaldary júrgizilýde», - dedi ІІD-den.
