Mańǵystaýda esirtki taratqan 15 saıt buǵattaldy

AQTAÝ. QazAqparat - Mańǵystaýda ótken jyly quqyq qorǵaý organdary esirtki taratatyn 110 saıtty buǵattasa, bıyl 15 saıttyń jumysyn toqtatqan, dep habarlaıdy QazAqparat tilshisi.

Quzyrly organ ókilderi, sondaı-aq esirtki saýdasyn toqtatý baǵytynda úıler men ǵımarattardyń qabyrǵalaryndaǵy graffıtı jazýlardy joıǵan.

Aıta keteıik, prokýratýra, quqyq qorǵaý jáne ýákiletti organdar ókilderiniń qatysýymen vedomstvoaralyq jumys tobyn qurý usynyldy. Toptyń maqsaty-nashaqorlyqtyń aldyn alý, esirtkini tutynýshylardy anyqtap, jastardyń esirtkini qoldanýǵa nemese zańsyz aınalyma tosqaýyl qoıý.

«Ótken jyly esirtki qylmystary úshin 300-ge jýyq adadm sottaldy. Bıylǵy jyldyń 3 aıynda 40 adam sottalǵan. Onyń ishinde osy altaýy sıntetıkalyq esirtkimen baılanysty qylmys. 1 apta buryn ulttyq qaýipsizdik komıtteti 4 azamatty ustady. Olar Kaspıı teńizi arqyly 15 kg jýyq opı esirtki zatyn satýǵa alyp kelgen. 4 azamat qazir sottyń sanktsııasymen qamaýǵa alynyp, tergeý júrgizilip jatyr» dedi Mańǵystaý oblystyq Prokýratýrasy qylmystyq qýdalaý basqarmasynyń bastyǵy Danııar Tólegenov.

Jalpy bıyl óńirde esirtki qylmysy 49%-ǵa tómendegen.