Mańǵystaýda 3 aıda 68 adam týberkýlez juqtyrǵan

AQTAÝ.QazAqparat - Mańǵystaý oblysynda 2023 jyldyń basynan bastap 68 adam týberkýlezge shaldyqqan. Bul kórsetkish ótken jyldyń osy kezeńimen salystyrǵanda 10 jaǵdaıǵa azaıyp otyr. Bul týraly Qoǵamdyq kommýnıkatsııa ortalyǵynda ótken brıfıngte óńirlik sanıtarııalyq-epıdemıologııalyq baqylaý departamentiniń basshysy Gúlnar Kórkinbaeva málim etti, dep habarlaıdy QazAqparat tilshisi.

Spıkerdiń aıtýynsha, tirkelgen 68 jaǵdaıdyń 3-ýi 14 jasqa deıingi balalar, 39-y eńbekke qabilettiligi joǵary 18-55 jasqa deıin azamattar. Týberkýlezge alǵash shaldyqqandardyń 34-inde aýrýdyń batsıllıarlyq túri anyqtalǵan.

«Týberkýlez aýrýy – bul juqpaly sozylmaly qaıtalanatyn koh taıaqshasy arqyly berilip, 80-85% tynys alý joldaryn zaqymdaıtyn aýrý», - deıdi Gúlnar Kórkinbaeva.

2023 jyly tirkelgen 68 naýqastyń 12-i bakterıoskopııalyq ádispen, 26-y rentgenografııalyq tásilmen, 30-y ózge medıtsınalyq tásildermen anyqtalǵan.